平昌 Premium (已結業)

本來復活節plan左去韓國玩，點知男友有突發事，所以無得去！唯有係香港搵韓食，一解之愁啦！又俾佢搵到呢間韓燒係佢公司附近，book左琴晚去食！呢間野都好大，仲要全部都係喔爸喔Ni serve 你，真係感覺自己身處韓國！有啲喔爸仲識講廣東話，真係唔錯！每檯已經擺左好多款前菜小食，每一款都好好味！仲有爐邊蛋，我地加左芝士，自製芝士拉絲爐邊蛋，超級正！我地係食肉獸，所以叫左全部都係肉！一場黎食，梗係豪啲啦！所以加左錢食海鮮！知道啲肉未咁快有得食，所以叫左煎海鮮蔥餅、韓式拉麵！煎餅細細塊，唔使沾醬就咁食都已經好好味。拉麵就係平時食既韓國公仔麵，辣辣地，仲有隻半熟流心蛋，好正！好想叫多碗，但我地要留肚食肉！叫左五花腩、薄切五花肉、雞肉、LA牛排骨、牛肋骨肉、生蠔、帆立貝。雞肉有用韓國燒肉汁調味過，甜甜的。五花腩睇落雖然肥，但燒到小小焦，再沾佢地既三隻醬汁，就變得好好味，一啲都唔油！我地仲用生菜包住啲燒肉食，好爽脆，令到我地反而食多左好多肉添！生蠔好大隻，但燒完就變到好細，不過一樣味道鮮甜！我地再點左大蝦同芝士元貝，各4隻！蝦中間夾左塊牛油，燒緊既時候，牛油滲透到蝦肉，香味變得更高層次，而且蝦肉爽