影片
更多
2021-08-03
1209 瀏覽
終於等到星期六放假可以同朋友去食好野！今日同朋友入左元朗天空之城食海鮮蒸氣火鍋，好彩我地提早訂左位，一去到見到仲有好多人walk in，但店員話已經full booking。呢度仲有個stage, 平時應該係會有d live band表演，台邊岩岩好有部風扇對住我地，所以都唔會好熱。店員同我地逐一介紹左唔同既海鮮餐，最後我地揀左原隻龍蝦海鮮餐，每人HKD328就已經有一隻龍蝦，半隻肉蟹同埋其他種類既海鮮。點完餐之後，原來龍蝦、肉蟹、鮑魚同埋生蠔都係可以出去個大水缸度自己夾，有得食又有得玩，呢個體驗幾唔錯🤩龍蝦都算大隻同重，我地有幾次差d夾唔住佢，鮑魚好新鮮，吸住個水缸吸得好實，我地夾左好耐都夾唔起佢，d肉蟹都好生猛。夾哂落個桶度，餐廳會再處理。食海鮮前仲有個老火湯同溫泉蛋，同步店員會落埋個粥底同埋紅棗杞子蟲草花蒸雞，味道一流，d雞蒸完都仲好滑。之後餐廳處理完d海鮮就會放好一大盤送到黎，我地即刻就蒸左一隻龍蝦試試佢先。跟據餐廳建議既蒸煮時間，隻龍蝦好有驚喜，肉質好鮮甜而且一d都唔靭，又有膏同埋勁juicy。貝類有3款，沙白、花甲同埋蜆，因為貝類同鮑魚既蒸煮時間一樣，所以我地決定一次過放哂
今日同朋友入左元朗天空之城食海鮮蒸氣火鍋，好彩我地提早訂左位，一去到見到仲有好多人walk in，但店員話已經full booking。
呢度仲有個stage, 平時應該係會有d live band表演，台邊岩岩好有部風扇對住我地，所以都唔會好熱。店員同我地逐一介紹左唔同既海鮮餐，最後我地揀左原隻龍蝦海鮮餐，每人HKD328就已經有一隻龍蝦，半隻肉蟹同埋其他種類既海鮮。
點完餐之後，原來龍蝦、肉蟹、鮑魚同埋生蠔都係可以出去個大水缸度自己夾，有得食又有得玩，呢個體驗幾唔錯🤩
龍蝦都算大隻同重，我地有幾次差d夾唔住佢，鮑魚好新鮮，吸住個水缸吸得好實，我地夾左好耐都夾唔起佢，d肉蟹都好生猛。夾哂落個桶度，餐廳會再處理。
食海鮮前仲有個老火湯同溫泉蛋，同步店員會落埋個粥底同埋紅棗杞子蟲草花蒸雞，味道一流，d雞蒸完都仲好滑。
之後餐廳處理完d海鮮就會放好一大盤送到黎，我地即刻就蒸左一隻龍蝦試試佢先。
跟據餐廳建議既蒸煮時間，隻龍蝦好有驚喜，肉質好鮮甜而且一d都唔靭，又有膏同埋勁juicy。
貝類有3款，沙白、花甲同埋蜆，因為貝類同鮑魚既蒸煮時間一樣，所以我地決定一次過放哂落去蒸，鮑魚蒸煮時間岩岩好，肉質好彈牙，3款貝類都好鮮甜，無沙同埋全部都開哂口。
蟶子超大隻，元貝同生蠔都好鮮甜。
肉蟹雖然唔算大隻，但都好鮮甜同埋好多膏。
蝦都好大隻同埋好彈牙，但當下掛住食唔記得影佢出面仲有好多唔同種類既蔬菜任夾，我地食左d金菇、翠肉瓜同埋粟米，個粟米超甜。
好食既野係要留到最後，食完蔬菜先食埋最後一隻龍蝦，最後既最後就係個粥底，吸收哂所有海鮮既精華，加埋南瓜芋頭同埋豬骨，個粥完全唔駛調味已經好好食。
個海鮮餐仲有包到糖水，問左店員係腐竹糖水，但因為我同朋友都已經好飽，唔想浪費食物所以就無要到。但呢個海鮮餐食左咁多野都係HKD328一個人，真係好值得再encore！
張貼
