鮨玥 (已結業)

2020年2月24日星期一今日同朋友去咗屋企附近西灣河蘇豪東食飯。本身打算試吓呢一間日本野嘅外賣，可能時間尚早及香港疫情嚴重冇咩人，最後選擇堂食就算啦。環境唔錯坐得幾舒服。嘢食嘅選擇都幾多元化，唔止有壽司同埋刺身仲有好多特色嘅日本丼定食.我哋揀咗一份雞肉刺身沙律, 第一次食雞肉刺身，味道唔錯。有好香嘅煙熏味道、口感亦都一流。主菜我哋就揀咗一個蟹子青龍卷，炸蝦非常香脆。好食！另外就叫咗一份北海丼定食，材料非常豐富，有鮑魚、海膽、三文魚、吞拿魚、油甘魚、帶子、北海蝦。每份刺身都非常好味。強烈推介價錢尚可接受埋單都係五百零蚊