影片
更多
2022-10-21
77 瀏覽
又嚟介紹良心餐廳喇💛！相信大家平日放lunch有得揀都唔會想食到太頹🥹，所以都物色緊一啲餐廳係唔頹得嚟又可以喺放lunch 嘅時候食🤤。而今次想介紹一間位於旺角嘅樓上cafe畀大家🫡，呢間良心餐廳其實喺網上都幾出名架🙌🏻，有啲feedback話佢係抵食得嚟又高品質🤩。咁就要一齊睇嚟呢間餐廳嘅質素如何啦😎！環境方面☝🏻想講餐廳嘅選址真係夠晒神秘🤣，佢係位於後巷嘅一幢大廈嚟架。但係上到去之後係成個vibe都唔同咗😍，餐廳係用咗採光玻璃嘅設計，所以餐廳睇落都會特別光猛啲✨。同埋我真係好鍾意餐廳嘅枱燈😚，影嚟都會影得靚啲📸。食物方面✌🏻#刁草忌廉汁三文魚扒（#88）首先要講嘅就係嗰日嘅主角刁草忌廉汁三文魚扒🐟，我嗰日就叫咗CP值比較高嘅Lunch set😋，大家平時喺星期一至五嘅12:00-17:00都一樣可以嗌嘅🤤。入返正題先🫡，呢個套餐我就加配咗蒜香意粉🧄，意粉嘅蒜油味夠晒濃🥰，仲做到al dente 嘅口感😚。至於三文魚扒就充份收入晒刁草本身嘅香味😍，忌廉汁味都好開胃🫡，就咁睇隻色都見到煮得啱啱好😬。我呢塊三文魚扒食落仲要無骨添，可以大大啖咁食🤣。另外因為叫套餐嘅緣故，所以都可以飲埋餐廳
相信大家平日放lunch有得揀都唔會想食到太頹🥹，所以都物色緊一啲餐廳係唔頹得嚟又可以喺放lunch 嘅時候食🤤。而今次想介紹一間位於旺角嘅樓上cafe畀大家🫡，呢間良心餐廳其實喺網上都幾出名架🙌🏻，有啲feedback話佢係抵食得嚟又高品質🤩。咁就要一齊睇嚟呢間餐廳嘅質素如何啦😎！
環境方面☝🏻
想講餐廳嘅選址真係夠晒神秘🤣，佢係位於後巷嘅一幢大廈嚟架。但係上到去之後係成個vibe都唔同咗😍，餐廳係用咗採光玻璃嘅設計，所以餐廳睇落都會特別光猛啲✨。同埋我真係好鍾意餐廳嘅枱燈😚，影嚟都會影得靚啲📸。
食物方面✌🏻
#刁草忌廉汁三文魚扒（#88）
首先要講嘅就係嗰日嘅主角刁草忌廉汁三文魚扒🐟，我嗰日就叫咗CP值比較高嘅Lunch set😋，大家平時喺星期一至五嘅12:00-17:00都一樣可以嗌嘅🤤。入返正題先🫡，呢個套餐我就加配咗蒜香意粉🧄，意粉嘅蒜油味夠晒濃🥰，仲做到al dente 嘅口感😚。至於三文魚扒就充份收入晒刁草本身嘅香味😍，忌廉汁味都好開胃🫡，就咁睇隻色都見到煮得啱啱好😬。我呢塊三文魚扒食落仲要無骨添，可以大大啖咁食🤣。
另外因為叫套餐嘅緣故，所以都可以飲埋餐廳嘅是日餐湯🥣，仲要有埋蒜蓉法包可以食🥖！
#法式粟米湯
粟米味道都帶到出嚟🌽。飲落碗湯有煙肉碎🥓，真材實料。而且口感都算creamy🙌🏻。
#蒜蓉法包
法包就係啱啱烘好，食落都好酥脆✨，蒜蓉牛油味都好濃🧄🧈。
#檸檬蜜桃水果茶（$48）
我嗰日就嗌咗杯凍嘅水果茶飲🥶。講返呢杯飲品先🫶🏻，水果茶有紅青蘋果🍏🍎同桑子可以食👾，再加埋薄荷葉嘅味道真係夠晒清新。另外水果茶底帶有檸檬蜜桃味🍋🍑，飲落都唔算甜，啱晒我🤤！
評分以🌕表示（滿分為5）
環境：🌕🌕🌕🌕🌑
賣相：🌕🌕🌕🌕🌑
味道：🌕🌕🌕🌕🌑
服務：🌕🌕🌕🌕🌑
張貼
