195
10
0
港鐵油麻地站 A1 出口, 步行約3分鐘 繼續閱讀
電話號碼
39043889
60844831
開飯介紹
提供法式菜的咖啡店兼酒吧,佈局簡單乾淨,性價比高,菜式擺放精美,適合拍照打卡。意式什菜湯味道帶有淡淡香草香、黑松露醬薯條醬味香濃、三文魚扒香口味美,是享受精美西餐的好地方。 繼續閱讀
營業時間
今日營業
12:00 - 02:00
星期一至日
12:00 - 02:00
付款方式
Visa Master AlipayHK 支付寶 現金 AE 銀聯
其他資料
網上訂座
Wi-Fi
深夜營業
酒精飲品
自帶酒水
切餅費
電話訂座
海景景觀
電視播放
當面支付
有關獎賞計劃
食評 (215)
等級4 2020-06-27
33 瀏覽
見到幾多食評大讚little fresh cafe既食物有質素好🤤 所以我地就碰碰運氣 早個零鐘打去問可能因為我地食得早 所以都book到!小店位置有d難搵 鋪位幾細 開放式廚房令到成間空間都聞到廚房煮緊咩🤭天花板同牆身都畫左風景畫 小店既角落都放左唔少文宣👍🏽講下食左咩啦💁🏽‍♀️西班牙海蝦蛋餅 ($68)熱油泡泡咕嚕咕嚕咁湧上黎🔥 非常之熱辣辣 ⚠️幾餓都覆小心燙口啊! 配料多 洋蔥🧅、火腿、蔥、蝦🦐蛋餅內裏既蛋質保持到嫩滑 唔錯唔錯👍🏽🧀芝士煙肉薯泥熱鍋 ($68)本來覺得呢個配搭應該無咩特別驚喜~~但食落覺得好好味! 幾香既牛油味🧈 寫就寫薯泥 但咬落仲有薯粒! 😋南瓜汁燴牛油蟹肉芝麻菜意大利飯 ($138)🎃南瓜汁味道濃郁 好真材實料!芝麻菜= 火箭菜 長知識了😌 本身麻麻地火箭菜既我有食 因為夠新鮮 唔苦澀!意大利飯既軟硬度岩我地既口味👍🏽法式白酒蜆肉燴意大利扁麵 ($118)蜆肉份量唔少 保留到少少既酒香~~意大利麵炒得比較乾身 調味岩岩好 唔會因為係扁麵而好淡味~~整體黎講💁🏽‍♀️我地三個都好滿意呢度既食物☺️店員每次上熱鍋都會溫馨提醒我地小心燙手👍🏽埋單又會派口罩(p.s. 大約一個月前去)又會送下次幫襯既coupon! 良心小店 一定會再支持💪🏽🙂希望佢地生意越黎越好 早日擴充 換個大d面積既鋪位啦😛 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-13
1593 瀏覽
早排食多日本嘢,好想轉下口味食西餐,朋友介紹咗呢一間餐廳雖然唔係好大,但幾有氣氛嘅餐廳俾我哋。鋪頭嘅天花裝飾有花心思,藍天白雲,幾特別!南瓜野菌湯🥣香濃既南瓜湯,配上惹菌,creamy同非常之健康🥳西班牙海蝦蛋餅🥚蛋餅係個鐵板上面,熱辣辣,切開發現入邊嘅餡料有好多,非常豐富!南瓜汁燴牛油蟹肉芝麻菜意大利飯意大利飯嘅質感幾好,我中意佢嘅蟹子,幾鮮甜,一粒粒係個嘴裏面爆開,令個飯更有口感,南瓜汁甜甜地,幾美味☺️法式甜酒西班牙杜洛克豬肉眼扒配南瓜醬我好鍾意食呢度嘅豬扒,佢七成熟,好腍嫩。最正係佢d醬汁同配菜,用個豬扒好夾,份量好大,兩個人食啱啱好!鐵板朱古力布朗尼配自家製雜莓雪芭🍰呢款自家製嘅甜品俾到一種新鮮嘅感覺喎,因為布朗尼係熱嘅,但係喺上面嘅雪芭係凍嘅,一凍一熱咁食,口感都幾好!我哋仲可以淋啲朱古力醬喺個鐵板上,令到布朗尼嘅味道更加突出。😆😆不得不讚嘅係店員嘅服務態度好好,好耐心咁樣去介紹每一道菜色,同埋成日都會叫我哋小心唔好掂到鐵板熱親👍👍 繼續閱讀
(以上食評乃用戶個人意見 , 並不代表OpenRice之觀點。)
等級4 2020-04-30
579 瀏覽
真心推介芝士煙肉薯泥熱鍋💛💛💛行完山出返市區搵好野食,俾朋友搵到呢間隱世黃店,點解咁講呢,因為間野真係有少少難搵架!👀餐廳係恆威商業中心,大廈入口係內巷到,我地行到差啲miss左個入口🤣樓上cafe,地方唔大,不過見到都有用心裝飾過,廚房位置望落都乾淨👍🏻坐位間天花板係天空圖案,似係人手畫,畫得幾靚☁️☁️仲有燈飾點綴下咁👍🏻餐廳坐到20幾人,星期六晚上未夠7點,連埋我地三個人都差唔多坐滿人咁濟!所以提提大家下次如果要黎,最好都打電話預約呀!📞西班牙海蝦蛋餅🍳呢個蛋餅都幾特別其他地方好少有,啱啱焗好上碟嘅時候熱辣辣,個蛋餅仲起緊泡。海蝦食得出係新鮮嘅,蝦肉好爽口,一啲都唔會梅,蛋味十足,唔錯啊!⭐️💛芝士煙肉薯泥熱鍋💛⭐️呢個真係好好食,建議大家都要試吓。首先已經唔係好多地方有薯蓉食,今次見到就覺得幾特別所以叫。好香牛油味嘅薯蓉,入面仲有一粒粒嘅薯仔🥔,增加口感。煙肉🥓食得出係煎過嘅,連埋面頭嘅芝士🧀,簡直係滿分🤤🤤🤤南瓜蟹肉芝麻菜意大利飯意大利飯嘅份量適中,唔會細細碟,南瓜汁煮到好濃郁,好香甜,碟邊有蟹籽,食落口有脆卜卜嘅感覺。而且意大利飯煮到啱啱好,唔會好硬。法式白酒蜆肉燴意大利扁麵🍝蜆肉真係食得出有酒味,不過意大利麵就比較普通,都合格嘅!埋單嗰陣店員話餐廳而家做緊優惠,只要like Facebook or Instagram ,可以按人頭數目每位減$10 ,我哋一共三個人減咗$30。本身餐廳都唔算貴,而家做埋優惠實在係好抵。店員仲話下次再黎,用Promotion code 可以再有九折!正呀,呢間餐廳回頭率滿分,⭐️⭐️⭐️⭐️⭐️!繼續支持小店💛 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-20
2117 瀏覽
咁啱經過旺角,經朋友介紹下。去左幫襯一間隱世小店,依間個門口係喺小巷入面,其實油麻地行過去係近啲嘅😂 依個商業大廈入面都有好多食肆,而依間都位於高層,上到去,平日既12點幾,竟然無咩人😔可能位置較神秘,不過識行既都好方便,唔講其他,依間枱同枱之間有一定既距離,依家依個疫情,唔係仲去d好迫既地方丫🤔我地安排喺窗邊,望住街外既風景,好舒服由於不是太多客人,平日鍾意同朋友吹水嘅可以去依間慢慢食Lunch time 餐牌,收費好正常,唔貴頭盤2個,2個一睇就就知擺盤靚仔,味道清新,新鮮依個拿破崙risotto 正,佢個飯有咬口,軟硬度適中,唔會太濕太硬。個汁係有d似pizza 咁,好開胃,本身個飯係💁🏻‍♂️既,食食下拎左嚟食,正!另一個叫左cabornara,唔知點解依個有青豆😂我地係小學雞所以青豆就剩低左喇😂😂不過依個同樣個意粉生熟情度剛好,唔會淋唒,個汁係杰身,不過唔會太漏仲包埋餐飲,小店依家打卡仲減10元,埋單竟然送口罩!係口罩!一罩難求丫😭多謝佢地咁有心!依個疫情期間,同路人要好好照顧身體,支持下小店,一齊挨過去!Main point 好食好坐有心又唔貴,支持! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-12
1274 瀏覽
旺角的樓上CAFÉ很多都臥虎藏龍恆威商業中心的位置比較隱匿店內座位不算多,最好訂座,因離去時已經滿座此店非常之深黃店內放滿文宣佈置,還播放文宣的歌曲,真香港人情懷濃店員也很好禮貌和服務,會簡介一下特別的菜式另外,只要LIKE FACEBOOK或者INSTAGRAM PAGE就可以人頭減十蚊晚餐的餐牌選擇也很多,但最後都決定散叫,可試更多其他款式南瓜野菌湯 - $48落足材料煲軟,變成南瓜蓉,湯很濃郁很滑,充滿南瓜甜味再加上適量的野菌,增添不少口感西班牙海蝦蛋餅 - $68融合了地中海和東方烹飪風格充滿著濃郁橄欖油味和噴香蒜茸味海蝦很爽彈,蛋餅被鐵板煎得外脆內軟,入面還是滑蛋的狀態法式甜酒西班牙杜洛克豬肉眼扒配南瓜醬 - $178豬肉眼扒的位置非常嫩滑,沒有油脂用了慢煮方式烹調,大概八成熟,才令肉質柔嫩,保持甜美的肉香配上南瓜醬那種清新又帶點香濃的南瓜甜味,口感更豐富伴碟的薯蓉亦充滿牛油香,很香滑法式白酒蜆肉燴意大利扁麵 - $118用上新鮮蜆肉帶點海水的鹽味,約有十粒加上蒜頭和洋蔥作為配搭,香氣十足重點的白酒吸收到扁麵和醬汁中,融合成一種順口甘甜的味道,而不是濃烈的酒味鐵板朱古力布朗尼配先自家制雜莓雪芭 - $88新奇的甜品,竟然以鐵板上,淋下朱古力醬汁還真的「滋滋」聲布朗尼和雪芭同樣是自家製布朗尼不單純是朱古力,入面還有花生,味道特別而雪芭比雪糕有益健康,可控制甜度,雜莓的微酸正好中和朱古力的甜味,更易入口 繼續閱讀
(以上食評乃用戶個人意見 , 並不代表OpenRice之觀點。)