Catee (已結業)

平時食西餐唔會諗到喺荃灣食，點知原來都有驚喜。今日食咗呢一間Catee 都唔錯，下次嚟荃灣都可以再食下。首先食咗前菜湯同埋沙律先。羅宋湯好好飲，搬埋鬆軟嘅麵包一齊食啱啱好。而沙律嘅醬汁好開胃，做前菜一流呀。依家happy hour 買酒買一送一之外，仲可以以優惠價五節去食送酒嘅小食，我就叫左呢個炸魷魚圈。個炸魷魚圈炸得好香脆，魷魚圈都幾新鮮唔會炸得過分。配埋沙律醬送酒一流。主菜我哋就叫咗個燒海鮮拼盤。海鮮拼盤入邊有魚，蝦，青口同埋燒蔬菜。海鮮質素整體不錯，但係可以燒到再乾身一啲。 咁樣會香口啲再好食d。除此之外我哋仲叫咗個炒蒜香橄欖油帶子大蝦粉食。意粉炒到好有蒜香味道，而且意粉煮得唔會太淋。我自己就好鍾意食呢一隻炒意粉，簡簡單單有少少辣味好香口。但係無奈喺香港就好少搵到呢一隻意粉。今晚我有食神啦❤️