443
13
6
港鐵荃灣西站 D 出口, 步行約8分鐘 繼續閱讀
電話號碼
27761328
開飯介紹
餐廳裝修設計偏復古風,以「貓」做主題,四周有不少以貓的擺設。主打西式料理,提供不少扒類、意粉等,當中以威靈頓三文魚扒較受歡迎。餐廳設有Happy hour時段,提供各式啤酒、調酒等,部份設買一送一優惠。 繼續閱讀
營業時間
今日營業
11:30 - 22:00
星期一至日
11:30 - 22:00
公眾假期
11:30 - 22:00
公眾假期前夕
11:30 - 22:00
付款方式
Visa Master AlipayHK 支付寶 現金 AE 銀聯
座位數目
40
其他資料
網上訂座
Wi-Fi
酒精飲品
自帶酒水 詳細介紹
電話訂座
賞訂座積分
加一服務費
當面支付
有關獎賞計劃
食評 (482)
等級4 2020-12-08
836 瀏覽
一向人氣爆滿的Catee Walkin真係好難有位,親戚生日諗住同佢食好野,就一早book定枱,果然星期四晚都full house呀,好彩有book。六點左右黎到未多客,但坐落一陣就full了。小店有點迫,但勝在環境不錯,加上店員有禮感覺良好。店員好快便送上水及餐牌,昏暗的環境加上枱上的小小蠟燭,成件事即刻高級左,但其實餐廳價錢實惠,食物仲好大份添㗎。點完餐,店員便送上麵包,落啲黑醋同橄欖油去旁邊隻貓貓碟,得意又好味。是晚餐湯係忌廉粟米湯,又香又滑㗎。個餐仲有沙律添呀,落左麻醬好味。主菜點左德國脆皮豬手伴蜜糖芥末及德國酸菜,上枱時好香啊。豬手烘的皮脆肉滑,個豬皮咬落喔喔脆,下層少少脂肪啱啱好,有豬油的甘香又不膩。肉大大啖咬仍然嫩滑,帶少少鹹香好正。另一樣點了是日廚師推介的汁燒魷魚筒釀蘑菇海鮮意大利飯,見呢款較少見又啱口味,就點黎試試先。賣相很不錯啊,魷魚厚身有質感,嫩嫩的又甜甜地好好味,飯吸滿的燒汁又甜又香口,飯中還混入了蘑菇粒同章魚粒,鮮味又有口感,整體新鮮感十足,果然係推介好物。自己點了木瓜奶昔,感覺不太像奶昔,味道有點點酸的,有點像乳酪?淡淡的木瓜香是不錯的。親戚點的焦糖咖啡,咖啡夠香夠滑,賣相也很好看,但焦糖味不夠,像一般的鮮奶咖啡了。最後是跟餐的甜品朱古力芝士蛋糕,綿滑濕潤,朱古力味濃郁,好味。不得不提店員的服務,因為枱較少的關係,餐廳是吃完一道菜先端出下一道的,店員會留意著食客的用餐整體來收盤同上菜,好貼心啊。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-28
510 瀏覽
🌟🌟🌟🌟🌟🌟🌟🌟🌟🌟🌟🌟🌟🌟🍽 Catee (荃灣)📍荃灣楊屋道73號地下🌟🌟🌟🌟🌟🌟🌟🌟🌟🌟🌟🌟🌟🌟已經食過好多次catee了☺️令我不斷回頭食呢間餐廳嘅原因係食物質素同價錢合理,服務態度非常好,難怪佢咁好生意!首先上咗餐前麵包,係自家製白麵包同墨魚汁包,油醋汁可以自己落😋烤美國頂級肉眼扒伴濃燒汁 HKD288唔太餓唔想叫set就叫咗ala carte😛完美3成熟👍🏻肉味濃郁,塊扒比我想像中大塊,肥膏唔多,煎到好香可以連住食埋🤪🤪❤️值得一提的是伴碟嘅薯菜,極之有心思,唔係出面嗰啲餐廳勁hea比幾舊薯仔同埋幾條豆😂😂有黄翠肉瓜、香煎新薯、秋葵、串茄等等,好驚喜😛😛香草意式烤原條牛面肉 HKD258牛面頰肉真係好冧好好味🥰🥰原條烤份量好多,大概可能有成20舊呢!伴碟嘅配菜同肉眼扒一樣~跟餐有沙律、餐湯、甜點同飲品,真係幾抵食👍🏻餐湯係 cauliflower soup 🥣 好特別,creamy重奶香💛飲品揀咗濃情朱古力🍫Iced Chocolate😋勁濃味又唔會太甜,仲有支pocky食下😆甜點都好高質,竟然有strawberrycake😍唔會太甜,但士多啤梨陣味有少少假🤣✨如果喜歡我的文章,可以關注我及讚好以作鼓勵喔✨ 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-13
986 瀏覽
餐廳燈光昏黃,播住Lemon Tree及Big Big World等老舊英文歌,更有不少貓貓嘅裝飾及擺設,我估老闆應該係貓痴😆🍽香草意式烤原條牛面肉($258)一般西餐廳嘅set dinner普遍只有steak或飯麵類可揀,但呢度竟然仲有牛面肉及Seafood Platter,選擇性都幾多👍🏻牛面肉口感有啲似牛腩,炆得夠腍又入味,味道唔錯,腍到連老人家都肯定食到👍🏻配菜種類都有幾款,而且更有我鍾意嘅秋葵,抵讚👍🏻🍽英式炸原條海爐魚柳薯條伴他他醬($138+$30升級套餐)魚柳表面嘅脆漿炸得勁香脆,魚肉嫩滑之餘又啖啖肉,真係名副其實嘅外脆內嫩🤤薯條同魚柳一樣都係新鮮熱辣即炸,餐廳亦毫不吝嗇咁俾咗勁多他他醬,炸物配他他醬一齊食,真係香口惹味😋🥗沙律(套餐包括)沙律都幾新鮮,加咗紅腰豆及芝麻醬一齊食都幾清新開胃😋🥣餐湯(套餐包括)餐包有2款,而餐湯係粟米忌廉湯,口感較稠,感覺似罐頭湯,味道只屬一般!☕️飲品(套餐包括)熱咖啡唔錯,味道幾香濃😋熱朱古力賣相都幾吸引,面層有cream外,仲有一支朱古力百力滋點綴😋朱古力味道略為甜咗少少,所以我自行加咗少少熱水溝淡😆🍰甜品(套餐包括)甜品係士多啤梨蛋糕,蛋糕幾鬆軟,士多啤梨味亦好突出,都幾好食😋總括來講,整體食物味道不錯,份量又多又抵食,性價比高,值得回頭👍🏻 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-07
1946 瀏覽
香港西餐廳有好多, 但仲記得名既真係無咩幾多間.位於荃灣既Catee 係我少有記得既西餐廳, 第一係服務真係好好, 店員好nice同有耐心. 第2係店內裝修都幾特別, 英倫雜腸拼盤 (98$) 耐無食腸仔點來試下, 首先腸整無煮得過火, 油都唔算過多, 水準可見.紅色既係香港常食既腸唔多講, 白色腸係豬肉腸口感比較彈牙, 口感似係肉丸個隻口感.灰腸就比較硬身小小,但味道比白腸濃D, 個人都係中意食紅腸多D.藍莓乳酪(13$+套餐)冰磨得好碎, 飲落比較滑, 算係唔錯既一杯, 份量都十分足, 入面藍莓都十分之濃唔會只得乳酪味算係幾正. 建議可以一試!黑松露野菌意粉 (168$)其實我係為食呢到意粉而來, 之前聽講呢到意粉彈牙, 醬汁又夠濃, 今日一試同傳言一樣.不論野菌香味, 同埋松露味都十分之濃, 對我呢D比較中意濃郁既食物既人來說岩岩好!必試!西班牙黑毛豬辣肉腸炒飯(198$)醬汁煮得好好, 入味包住D飯得黎, 又痴飯. 味道香香辣辣, 黑毛豬口感比較鮮甜.我個人最中意反而唔係豬肉, 而係d飯, 煮得小小硬,夠爽口. 口感比較正!整體來講呢間餐廳如果經荃灣既話必定要試下!人均200-300 繼續閱讀
(以上食評乃用戶個人意見 , 並不代表OpenRice之觀點。)
餐廳內裡環境幾好,又有以貓做主題既裝飾,而座位係沙發椅好舒服。.等緊朋友黎,叫住一款小食食住先。小食種類都有好幾款如Nachos,最後揀左巴馬火腿蜜瓜(4pcs)$78。.一大片巴馬火腿包住哈密瓜條,一啖咬落去,巴馬火腿既咸香味同又juicy又甜既哈密瓜融合。.朋友黎到後,餐廳就送上每人兩件麵包,配以黑醋及橄欖油。.食完麵包好開胃,就叫主菜啦!我同朋友都係海鮮控,異口同聲揀左Catee's 香煎海鮮拼盤$278!.拼盤有好多不同海鮮!先試三款魚柳 - 紅鮋、金鮋、黃花魚,煎到魚皮香脆,但啖啖肉既魚柳扒...好好食蝦、蜆、青口等經煎煮後仍保留鮮味。.唔好睇少配菜既烤蔬菜同薯蓉,一樣煮得出色。.另外仲叫左 德國脆皮豬手伴蜜糖芥末及德國酸菜 $188 (轉餐+$30).上菜時餐廳已將豬手拆骨切肉,方便食用。豬手外皮脆到卜卜聲,而豬手肉厚並充滿骨膠原既感覺,沾上蜜糖芥末醬食好夾!然後再食番d酸菜中和剛剛食完既豬手,即刻胃口又好左可以繼續食。.餐廳既Set Dinner 係包沙律、餐湯、飲品及甜品,好抵食。沙律係麻醬沙律菜、餐湯係忌廉湯,而最後上既甜品係朱古力芝士蛋糕,我幾鍾意食! 繼續閱讀
(以上食評乃用戶個人意見 , 並不代表OpenRice之觀點。)