347
10
4
港鐵荃灣西站 D 出口, 步行約8分鐘 繼續閱讀
電話號碼
27761328
營業時間
今日營業
11:30 - 00:00
星期一至三
11:30 - 00:00
星期四至六
11:30 - 01:30
星期日
11:30 - 00:00
付款方式
Visa Master AlipayHK 支付寶 現金 AE 銀聯
座位數目
40
其他資料
Wi-Fi
酒精飲品
自帶酒水 詳細介紹
電話訂座
加一服務費
當面支付
食評 (376)
等級4 2019-11-04
31 瀏覽
個人推介指數 7分 (10分為滿分) - 每逄節日, 我們一家也很重視, 特別是萬聖節和聖誕節更是重點, 所以吃一頓萬聖節晚餐是絶不可少. 要岩一家大細的店子而有濃厚的節日氣氛其實選擇不多, 因為大多是以酒吧形式, 音樂大多比較嚮亮, 囡兒接受不了. 這所西餐廳不論佈置, 氣氛, 食物也有很高的水平, 加上音樂以柔和為主, 非常適合一家大細來慶祝.室內光視比較柔和, 偏向有點昏暗, 萬聖節氣氛已十分足夠. 加上不同的恐佈佈置, 更增加一份驚喜, 無錯, 是驚喜, 因為我們仨實在太喜歡恐佈的裝飾.喜歡還喜歡, 小囡兒也不敢坐靠這個面具太近. 先來青瓜沙律和兩個濃湯包括龍蝦湯和硯肉湯. 青瓜沙律配上芝麻醬, 十分清新開胃. 兩個湯的份量出奇的大, 最少可供兩人飲用, 味道方面以硯肉湯較佳,硯味很濃郁. 龍蝦湯的味道也不錯, 龍蝦味足夠, 咸度也適中, 只是欠了一點回甘味.主菜方面不能不提這個香焗原條牛仔肋骨伴濃燒汁. 老實說, 這個菜式我品嚐過不少, 這樣原條吃還是第一次. 店員很貼心地把牛肋骨的肋肉平均分開, 好讓客人享受啖啖肉的樂趣.肉質相當結實, 有咬口, 在咀嚼其間, 濃濃的牛肉味在整個口腔回轉.最好味是連肉帶脂肪的位置, 加倍香濃. 小囡用其牙齒也吃得津津有味.基本上沾一點點燒汁, 放入口中細味, 就是最完美的食法. 最後, 我拿着中間的肋骨, 像野獸的把所有肉也吃掉, 真是痛快, 也切合佳節的主題.千不別棄掉, 這裡的肉燒成焦香, 又香又脆, 絶不能錯過.  再來是給囡囡和太太的點的明太子蟹肉燴意大利面.又老實說, 這道料理的蟹肉在目測下不是很多, 可能已和意粉混為一体. 但吃下去, 蟹肉味也不弱, 加上明太子的咸香, 提升了整体的味道. 小囡一啖一啖的吃了很多, 一邊吃一邊讚賞好味. 最後來兩樣解膩孖寶, 西柚汁和檸檬芝士餅.畢竟也吃了整條牛肋骨, 不多不少有點肉膩, 這個西柚汁夠酸又夠甘, 完全達到去油的效果.飲罷覺得胃部被整頓了. 而檸檬芝士餅, 餅的質地較軟身, 吃了也不會覺得加重負擔.其檸檬味相當濃, 是解膩的佳品, 最少我吃完整頓大餐也不會感油膩.整体來說, 節日的佈置很細緻, 食物普遍質素也頗高, 特別是肉類方面, 價錢也合理.聖誕節就快到, 希望這裡再能給我一點節日驚喜.   繼續閱讀
(以上食評乃用戶個人意見 , 並不代表OpenRice之觀點。)
等級8 2019-10-31
1854 瀏覽
之前都寫過唔少酒吧餐廳,亦講到發覺好多酒吧餐廳都唔喺就咁賣吓酒、賣吓伴酒嘅小食,仲提供唔少正餐菜式,而且,更一啲都唔馬虎,質素比得上好多西餐廳。就好似今晚到訪嘅「Catee」,就喺其中一家,等老婆上完咗個進修班,一齊過嚟「撐枱腳」。既為酒吧餐廳,內籠自不然喺一派酒吧格局,踏入門口,先入眼簾就喺酒吧枱,掛滿酒杯,放滿各式各樣嘅烈酒。望入少少,就喺用餐區,其實,驟眼一望,跟一般西餐廳無疑,仲佈置得頗有氣氛,而且不停播住悠揚嘅英文歌,最有趣喺當中有唔少跟貓有關嘅裝飾,怪唔之得店名叫「Catee」啦,但太可放心,餐廳內唔見有真貓嘅。每日嘅8:00pm前都喺「歡樂時光」,所有酒精類飲品都有買一送一優惠;着數嘢仲未止,星期日至四,凡惠顧一輪「歡樂時光」,仲可以以半價享用小食一份。不過,我哋兩公婆唔好酒,嚟到亦喺食正餐,所以,呢啲優惠今次暫且用唔着。但順帶一講,將近八點,見到店員再晌每枱都提一提「歡樂時光」優惠,可見服務嘅細心位。食物方面,翻一轉主餐牌,可謂選擇俱全,有前菜、湯品、沙律、主菜、意大利飯、意大利麵、小食、甜品……等等。當中嘅主食類,都可以加$50轉為套餐,就會多埋沙律、餐湯、甜品及餐飲。講到晚餐,又確喺有一張「精選晚飯套餐」餐牌嘅,共有6款選擇,定價$188-$298,已包晒是日沙律、餐湯、飲品及甜品,相信喺唔少人心目中划算之選。此外,掛晌牆上仲有一張「廚師推介」餐單,例如焗原隻龍蝦,烤原條牛尾肉……,都喺啲頗吸引嘅菜式。不過,我哋都喺晌主餐牌度揀,因為有啲心水嘅菜式,況且,亦可以加錢轉為套餐。麵包籃先送嚟一小籃麵包,分別有意式香草包及黑炭包,並配上橄欖油及黑醋。麵包帶微暖,入口鬆軟,尤其前者,更喺小弟嘅「飛弗」,沾點油醋,簡單而好食。是日餐湯隨後送上嘅喺周打蜆湯,個湯做得一啲都唔馬虎,除口感柔滑,有點點鮮味之外,內裡仲混有唔少蜆肉。田園沙律沙律底喺以沙律菜配紅腰豆,初時仲諗會唔會喺繼續意大利風落番油醋呢,但原來喺日本風淋上胡麻醬,味道香濃,而沙律菜好爽脆。香煎尖吻鱸魚柳伴龍蝦汁 $178賣相一啲都唔失禮呀,兩大件鱸魚柳,更伴有好多薯菜,鱸魚柳煎得外皮脆到咯咯聲,啲肉質就非常嫩滑,魚味濃,反而,啲龍蝦汁只喺不過不失,唔算好濃郁,未知喺咪唔做咁濃,免影響魚柳嘅魚鮮味。事後,店員話佢哋嘅龍躉魚柳更出色,喺晌街市買嘅新鮮貨,有機會真喺要一試。啲薯菜嘅配搭仲好特別,用上荷蘭串茄、意大利黃青瓜……就知用料不賴。而且,全部都煎烤過,特別好食,薯蓉亦做得綿滑,但如果加番多少少鹽巴就恰到好處喇。烤澳洲羊架伴薄荷醬 $218唔好怪我,又喺羊架,呢幾個月確喺食咗唔少次。唔喺講笑,非常大份,3大支羊架,支支都手掌咁大,而且,帶肥膏有點多,所以,羶味頗強勁,但點勁羶都好,我OK喎。要咗5乘熟,煎得啱啱好,切開仲見到粉嫩嘅肉色,食落外層帶微焦,裡面又腍又富肉汁,無論沾點薄荷醬,抑或燒汁,都好好食。菠蘿汁、小紅莓汁早餐、午餐都飲過咖啡及奶茶,再飲就超標喇,所以,晚餐就揀咗果汁,難得點果汁都唔使額外補錢。其實,一點餐就叫店員可以上埋餐飲,邊飲邊食。我杯菠蘿汁底下仲沉澱咗啲菠蘿蓉,而食羊架時,配菠蘿汁喺唔錯嘅搭配嚟。是日甜品店員送上件蛋糕時,話喺紅莓蛋糕,但其實,中間又夾有栗子蓉,咁嘅配搭印象中就較少見。味道喺點?又有水準喎,海綿蛋糕好鬆軟,又食到栗子香,忌廉亦打得滑溜。整體嚟講,環境、服務及食物,都甚具水準,讓我倆都食得稱心。所以,依家真喺唔可以睇少啲酒吧餐廳嘅出品。心諗,有咩特別日子嚟依度食番餐,慶祝吓,都OK,尤其晌結婚紀念日,可謂幸福洋溢。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-10-31
38 瀏覽
我喺荃灣真係留低唔少腳毛🤣 楊屋道街市附近絕對係我兒時既蒲點,仲記得嗰時成日喺度扭閃卡🙆🏻‍♀️ 轉眼已成中女既我,重回舊地發現嗰度已經同以前大不同,估唔到嗰度新開左間以貓做主題既靚靚餐廳😻😽·同朋友叫左2個set dinner慢慢嘆,Set dinner十分豐富,主菜配餐包、沙律、餐湯、餐飲及甜品,食完一定非常滿足💕·烏黑鬆軟既竹炭餐包配上橄欖油,香濃惹味😋 清新既沙律灑上微甜既黑醋,令人感覺非常開胃。粟米忌廉湯很好喝,粟米味道香甜,濃郁非常🤤·☆ Catee's香煎海鮮拼盤 HKD$298海鮮拼盤份量十足,有大蝦🦐 青口🐚 蜆及三款魚肉🐟 每樣食材都好新鮮,當中很喜歡鱸魚及盲鰽😋 魚肉幼滑兼且啖啖肉,魚皮煎得香脆,魚皮下既魚油仍然保留,香濃既油花有錦上添花的作用👍👍·☆ 卡邦尼扁意粉 HKD$118 (另加$50配Set)哩度既卡邦尼醬整得超級濃郁,口感十分Creamy😋 個人很喜歡,細膩既奶油均勻沾滿每一條扁意粉,滿口奶油既感覺真係好幸福呀💕·總括而言,餐廳環境有格調,以貓咪做主題已經夠哂吸引😻 食物質素不俗,相信係我會再回坊既餐廳之一呢~ 繼續閱讀
(以上食評乃用戶個人意見 , 並不代表OpenRice之觀點。)
雖然荃灣對於n_cc來說不太就腳 不過間中都會過來閒逛一下 同相約一下家住荃灣既好友 最近就發現荃灣多左唔少新面孔 於是相約飯腳來荃灣搵好西行下行下就搵到呢間Catee 入面滿滿係貓貓擺設 裝潢頗有特色亦蠻有格調 可能正值快到萬聖節 舖內有著不少節日裝飾 舖面不算好大 坐位間亦不算寬闊 不過坐下來還算舒適 望望餐牌 款式都頗多 而且可以配搭套餐 選擇彈性多元化 餐廳仲有酒類可選 八點前Happy hour更可有買一送一優惠  喜歡嚐酒人士就唔好錯過了Virgin Mary 用上蕃茄汁、檸檬汁、黑胡椒及鹽等調製 口感獨特帶點微辣 黑胡椒味頗突出 配合帶點酸既蕃茄 酸酸辣辣 飲落頗開胃Virgin Mojito經典傳統cocktail 飲落啖啖薄荷香 清新獨特口感爽快 層次感十足 加上青檸 飲落帶點微酸 消膩解滯餐前餐湯 / 餐包 配油醋汁 是日為南瓜蓉湯 質感creamy順滑 飲落啖啖濃郁南瓜味 味道中庸 餐包頗特別用心 香草包crossover竹炭包 外層香脆內裡鬆軟 配以橄欖油同埋黑醋 食法頗有意式風味 健康之選 紅腰豆沙律 材料簡單 以胡麻醬汁調味 食落爽脆新鮮清甜  配上健康紅腰豆 更添清新口感 烤美國安格斯牛板胛 medium rare熟度剛好 肉質不會過火 外皮燒得脆外内軟嫩滑多汁  食落牛味香濃帶點脂肪油香豐腴 甘香可口有嚼勁 口感豐富配以蔬菜薯蓉 正好平衡油膩 薯蓉口感細滑 食落有濃郁牛油香 令人一口接一口停不了西班牙海鮮炒飯上枱時仍可看到熱烘烘 賣相吸引 質感濕潤 見到每粒米飯吸滿醬汁海鮮精華 香氣迫人 配料份量足 有大蝦、青口、墨魚仔同蜆 尤其以大蝦最為入味 食落味道濃郁惹味 頗有異國風味栗子蛋糕 cream不算太多 頂層栗子蓉 入口軟綿 食落有淡淡栗子香  蛋糕質感鬆軟 整體甜度適中  繼續閱讀
(以上食評乃用戶個人意見 , 並不代表OpenRice之觀點。)
等級4 2019-10-20
391 瀏覽
荃灣有好多大商場,不過大部份都係連鎖店,其實橫街窄巷都有好多小店,其中呢一間位於楊屋道嘅西餐廳就非常之高質。佢叫Catee,雖然入邊冇真貓,但都有好多貓嘅擺設,而且擺設都相當之有心思,夜晚去嘅情調亦都非常好,所以我哋去嘅當日都有好多情侶食飯。夜晚有晚市套餐,如果唔啱嘅話仲可以散叫,可以加錢去升級做套餐,包湯、沙律、飲品同埋甜品。佢都仲有其他好特別嘅小食,最意想不到嘅就係,平時啲餐廳都剩係得清酒煮蜆,但係佢竟然有啤酒煮蜆!咁特別就當然要試吓啦!以為啤酒煮蜆嘅味道會好怪,但原來啤酒同埋顯係咁夾嘅!每一啖都有啤酒同埋蜆肉嘅鮮甜,所以我哋就好快食晒成碟啦我哋其中一份主菜都有upgrade做套餐,個麵包幾好食,有兩款揀,白麵包同埋黑麵包,兩樣麵包都非常之送院,送湯一流!沙律係胡麻醬沙律,啲菜都好新鮮。食完前菜,就梗係到主菜出場啦!我哋要咗個大蝦龍蝦汁扁意粉,隻大蝦做得非常出色,食得出係靚貨,隻蝦夠大隻之餘肉質亦都非常之爽,連個蝦頭都有蝦膏,好正!至於個龍蝦汁比坊間嘅龍蝦汁相對地清少少,食落冇咁漏,但係都食到龍蝦味另一份主菜肉眼扒亦都到啦!舊肉眼扒五成熟,煎得啱啱好,牛扒面層係脆嘅,入面肉質亦都非常鮮嫩,好耐都冇食過咁高質素嘅牛扒啦!嘢飲除咗一般嘅港式奶茶咖啡之外,仲可以加錢轉奶昔或者mocktail,我呢杯mojito非常之清新,解暑一流!食到最尾有cheesecake,仲要係易出事既香橙味,但呢度做到好香好清新既感覺,讚!埋單食左七百幾蚊,慶祝生日或周年紀念都好適合 繼續閱讀
(以上食評乃用戶個人意見 , 並不代表OpenRice之觀點。)