黑木亭居酒屋 (金馬倫道)

週末放鬆二人餐有7折優惠，所以同老公去試下，原價$568，7折後$398。1. 三點刺身盛有三文魚兩片、油甘魚兩片同埋八爪魚兩片，刺身好新鮮，好有魚味，而且切得又夠厚身，口感一流！魚油充滿口腔，真係好好食！2. 角切刺身飯啲刺身多到睇唔到啲飯，同樣地，刺身都係好新鮮，飯係珍珠米，最愛！3. 壽喜燒牛肉配烏冬牛肉好有牛味，而且牛嘅份量都好多下，食得好滿足！烏冬就正正常常，完全冇投訴。4. 出面仲有自助小食、湯同埋沙律菜可以任食，最正係可以自己加醬汁落沙律菜，啱晒我呢啲好鐘意食醬嘅人，可以加超多。真係好飽，好滿足！餐廳佈置得有日本嘅感覺，又坐得好舒服，weekend 輕輕鬆鬆食個lunch真係唔錯。服務都幾好添！