上戶酒場 (已結業)

今日收工同朋友去左九龍城食日本野，首先叫左杯巨峰梳打🍇，飲落唔會好甜，味道岩岩好。前菜係沙律🥗再配吞拿魚醬，吞拿魚醬會一直用火熱住，好食又開胃。野食方面，我地叫左深海池魚原條刺身同埋生蠔🦪，生蠔好新鮮又大隻。而深海池魚都好好食，師傳切到厚度岩岩好，一定要點佢配埋嘅鰹魚汁醬，同池魚好夾！👍🏽池魚食完之後，師傅會炸埋淨低嘅少少魚肉同魚頭，炸得好好食，又唔會浪費其他部位。然後就係熟食，我地叫左雞腎，牛舌，雞翼等等，其中最好食嘅係雞腎同牛舌，兩樣都有用到蒜蓉，勁香又惹味！😋另外一樣好特別嘅係呢到仲有pizza可以食，係五重芝士pizza，芝士味好夠，鍾意食芝士嘅人一定要試下！