八不·壽喜燒

營業中

休息中

今日同朋友行完金魚街，覺得有啲凍，於是上OpenRice睇下附近有啲乜嘢暖胃野可以食，見到呢間個名好得意，叫做八不，忍唔住即刻過去望吓。入到餐廳店員即刻俾咗個籃我地放袋，餐廳有兩款麵可以揀，蕎麥麵或者烏冬，湯底亦都有好多款，有辣有唔辣。由於天氣凍嘅關係，我叫咗個辛辣湯櫻花蝦湯底配A5黑毛和牛刺身赤麵（即係蕎麥麵），另外加咗一客吉列廣島蠔，同埋一枝日本木村富士山葡萄汽水。先黎嘅吉列廣島蠔，脆漿唔會太厚，鮮味得黎完全唔會有腥味，仲熱辣辣，加埋沙律醬超開胃。辛辣湯辣度啱啱好，不過由於辣嘅程度係冇得揀，所以建議本身唔食得辣嘢可以試吓日式清湯/沙嗲湯，將A5和牛放落湯，用湯嘅餘溫輕輕煮下和牛，肉質就非常嫩滑。飲品方面，豐富嘅葡萄味，唔會好似平時汽水得個甜字咁。