影片
更多
2023-09-19
17 瀏覽
今日帶左朋友泥呢間好多人推介既生蠔放題😋餐廳主要提供2款90分鐘任食套餐 一個是$498的生蠔放題 另一個是$598包括了串燒的生蠔放題 仲有人人都有嘅精緻懷石料理 價錢合理 而且可以生蠔食到飽 真系可以回到本😋一坐低先送上一壺熱辣辣既海鮮湯同味淋魚乾 海鮮湯用茶壺仔裝住 外型精繳 個湯飲落足料清甜 裏面有蜆肉和蝦肉 食落無沙又飽滿🥰味淋魚乾作為小食香口惹味 配埋沙律醬好邪惡🙌🏻食完前菜就會送上擺盤精緻既喜多嬉懷石八品 裏面包括了: 時令刺身、季節沙律、明太子伴秋葵、炭燒活鰻、雲丹松葉蟹配蟹醋啫喱 、金箔蟹肉海膽、月見手工燒鳥軟骨捧、喜多嬉牡蠣茶漬飯🙌🏻料理精緻高質 款款都好出色 炭燒活鰻啖啖肉無骨 燒到香口有鰻魚香 金箔蟹肉海膽鮮甜冰涼 好開胃又滿足🤣生蠔是來自岡山縣北木島 所以品質一定有保證 任食有生蠔或焗蠔選擇 而帆立貝則可選原味或蒜蓉味🙌🏻生蠔細細隻 但海水味重 食落肥美飽滿又鮮甜 最緊要係返到屋企都唔會肚痾🙌🏻上枱前已預先淋上了少許柚子啫喱和蘿蔔蓉 焗蠔則加入了蒜蓉牛油 熱食較惹味多汁 帆立貝用咗蒜蓉整 大粒啖啖肉🔥串燒有羊肉、豬頸肉、雞腿肉、雞翼、雞腎、雞心、七里香、茄子、
今日帶左朋友泥呢間好多人推介既生蠔放題😋餐廳主要提供2款90分鐘任食套餐 一個是$498的生蠔放題 另一個是$598包括了串燒的生蠔放題 仲有人人都有嘅精緻懷石料理 價錢合理 而且可以生蠔食到飽 真系可以回到本😋
一坐低先送上一壺熱辣辣既海鮮湯同味淋魚乾 海鮮湯用茶壺仔裝住 外型精繳 個湯飲落足料清甜 裏面有蜆肉和蝦肉 食落無沙又飽滿🥰
味淋魚乾作為小食香口惹味 配埋沙律醬好邪惡🙌🏻
食完前菜就會送上擺盤精緻既喜多嬉懷石八品 裏面包括了: 時令刺身、季節沙律、明太子伴秋葵、炭燒活鰻、雲丹松葉蟹配蟹醋啫喱 、金箔蟹肉海膽、月見手工燒鳥軟骨捧、喜多嬉牡蠣茶漬飯🙌🏻料理精緻高質 款款都好出色 炭燒活鰻啖啖肉無骨 燒到香口有鰻魚香 金箔蟹肉海膽鮮甜冰涼 好開胃又滿足🤣
生蠔是來自岡山縣北木島 所以品質一定有保證 任食有生蠔或焗蠔選擇 而帆立貝則可選原味或蒜蓉味🙌🏻
生蠔細細隻 但海水味重 食落肥美飽滿又鮮甜 最緊要係返到屋企都唔會肚痾🙌🏻上枱前已預先淋上了少許柚子啫喱和蘿蔔蓉 焗蠔則加入了蒜蓉牛油
熱食較惹味多汁 帆立貝用咗蒜蓉整 大粒啖啖肉🔥
串燒有羊肉、豬頸肉、雞腿肉、雞翼、雞腎、雞心、七里香、茄子、日本番薯仔 都是即叫即刻燒 可以食完 鐘意邊款就再encore🥰雞翼皮脆肉嫩 啖啖肉 雞腎爽脆大粒 茄子燒到好濕潤香口 番薯仔香甜軟糯 整體來講串燒都屬於高質😋
松葉蟹蚶烏冬
超推薦 幼身的烏冬好似拉麵 食落口感滑溜煙韌
白桃雪葩最中餅配蕨餅
食到最後食反個甜品就好滿足 雪葩香甜清新 蕨餅煙韌‼️
張貼
