築地日本料理 (金百利廣場)

營業中

休息中

星期三有得早放(4pm)，所以又約咗@一齊食嘢。我地次次諗唔到食乜就食日本嘢，我決定介紹曬啲三文魚，寫寫下發現我所有嘢嘅介紹好似差唔多。帶子花之戀兩個 $32x2見到花之戀就諗起洪天明，宜家仲有冇人明白咩意思？我都老啦。三文魚味比較出，所以我食咗啲帶子先，都幾鮮甜。到底點食先唔會散開？三文魚刺身 $52總共有四塊。全部都好厚好肥美，有滿滿嘅油脂，新鮮嘅味。三文魚手卷 $22啲三文魚其實一樣味。啲壽師飯多醋，比較酸。入面仲有青瓜，加埋一齊食好清新。火炙芝士三文魚腩兩個 $14x2落單係咁講咗火焰，好笑同好柒。佢地燒得幾香，今次燒咗所以啲三文魚味終於有啲唔同。大家中意魚生定火炙？三文魚壽司四件 $8x4啲魚其實都係一樣味，係冇紫菜嘅三文魚手卷。不過八蚊雞有一舊都幾抵。龍蝦沙律手卷 $20我之前真係未食過，所以試下。加埋少少芥辣味道幾好，下次可以再叫。有時未試過嘅嘢要試下先會知自己中唔中意。火炙芝士玉子 $10玉子好甜，加埋沙律醬食得津津有味。芝士令味道更加豐富。搭巴士聽住歌打文好寫意。塞車塞咗好耐，打完都未過完隧道。