元札幌拉麵 (悅來坊) (已結業)

好耐冇食過日本料理，終於今晚有得食下啦，平時行開悅來酒店下面啲鋪頭都唔覺有咁多嘢食，今日行過發現原來真係開咗好多餐廳，我因為真係好鍾意食日本料理，所以就行過入嚟試吓呢間啦。嘢食都幾多選擇，有烏冬、丼、仲有好多唔同款嘅小食，另外有個餐牌係寫當日推介。因為我朋友唔係好食飯，所以都叫咗幾多小食。炸魚餅，味道好夠，所以都唔使點豉油，同埋好彈牙。煙鴨胸沙律，份量都幾大份，佢沙律配埋芝麻醬，酸酸甜甜好開胃。叫咗多春魚同埋雞軟骨，送酒一流。叫咗條燒鯖魚，我朋友好鍾意食，佢啲肉一啲都唔”鞋”，好滑同埋好夠味。最後我哋叫咗個牛肋肉丼，佢配埋個茶碗蒸同埋沙律，都幾大份，所以兩個人食啱啱好，佢個牛肋肉好腍同入面，加埋隻溫泉蛋落去，成個飯好豐富，今餐真係好滿足。