鮨和居食屋 (已結業)

今日朋友想去登龍街食lunch， 想搵間坐得舒服， 於是就搵到呢間樓上舖。Set lunch包一個主食， 茶碗蒸 ，一客沙律，麵豉湯，餐飲同埋雪糕。茶碗蒸嘅蛋蒸得好滑， 係一道令我十分滿意嘅前菜。三色丼 係由三文魚子， 海膽吞拿魚蓉加上日本米組成。 店舖好用心咁將呢個丼飯製作成一個蛋糕嘅形狀， 十分華麗。刺身嘅質量亦都好唔錯， 特別係個海膽非常鮮甜， 用三文魚子加埋吞拿魚蓉撈飯亦都十分開胃。朋友就食咗個性價比非常高嘅鯖魚定食， 試咗佢嘅鯖魚， 外皮烤得非常香脆， 裏面嘅魚肉啖啖油香， 用嚟送飯真係好好味。