虎鐵鐵板燒

營業中

休息中

意大利玫瑰花茶個杯好岩打卡，好香玫瑰花味。和牛薄燒卷沙律前菜就已經係和牛，和牛好嫩好香。原隻鮮活澳洲黑邊大鮑魚鮑魚肉好爽口好香，配上蟹肉海苔醬，仲有勁多蟹子和紅綠雞冠草。活龍蝦配海膽醬龍蝦肥美爽口，有香燒味，配海膽醬更香，令龍蝦味更重。日本熊本A5和牛厚燒今晚最期待嘅一道菜，牛味好重，牛肉燒到好淋，配上蒜片一齊食都好夾。刺身帶子豆腐鯛魚湯用上龍蝦一齊煲，每啖湯都非常清甜。和牛炒飯炒到非常乾身，每啖都食到和牛。每一啖都好香。火焰鐵板梳芙厘雪糕打卡一流，好香既豆腐雪糕配上梳芙厘，甜度恰到好處。店員好親切有禮，好詳細介紹每一道菜。