影片
更多
2022-01-08
98 瀏覽
地址－和牛燒肉一郎將軍澳貿業路8號新都城中心2期1樓1040-41號舖話說前排有朋友表示好耐冇食過燒肉，好掛住日式燒肉咁話，咁適逢附近有間燒肉店，就即刻去食下，滿足一下思鄉的情懷，一到門口即刻比隻牛吸引左，入到去環境都幾寬敞，又幾有日式的感覺。而最欣賞的地方係座位側邊有送餐通道，食物就好似火車咁送上，呢個安排唔錯。我地一坐低侍應都有介紹唔同的套餐比我地，我地討論後決定揀個C餐，貪佢平平地，又有豬肉同牛肉，款式都唔少。💋自助沙律吧，我呢D健康寶寶，當然先食個沙律清新一下口腔，又可以補充纖維，我覺得佢最特別係有紅心蘿蔔，我食左好多碗，佢D沙律大多數都新鮮爽脆，加埋日式芝麻醬一齊食，令人不自覺地上左癮。💋飲品區(柑桔美人水，青瓜奇異果綠茶，粉紅檸檬梳打，利賓納，雜果賓治，橙汁同汽水等等)，不得不提佢杯美人水，淡淡地柑桔味，飲完都覺得自己美左，哈。而佢杯奇異果綠茶真係飲到酸酸地的奇異果味，配埋青瓜都幾好飲。💋和牛拼盤(和牛三角腹肉，和牛西冷，和牛里脊肉，一口牛，牛肋條肉中，和牛牛肋肉，冬菇，南瓜同粟米仔)，呢個拼盤一坐低就有，唔錯，可以係等野食期間燒定D牛黎食，果然係和牛，食落肉汁豐腴，口感彈
將軍澳貿業路8號新都城中心2期1樓1040-41號舖
話說前排有朋友表示好耐冇食過燒肉，好掛住日式燒肉咁話，咁適逢附近有間燒肉店，就即刻去食下，滿足一下思鄉的情懷，一到門口即刻比隻牛吸引左，入到去環境都幾寬敞，又幾有日式的感覺。而最欣賞的地方係座位側邊有送餐通道，食物就好似火車咁送上，呢個安排唔錯。我地一坐低侍應都有介紹唔同的套餐比我地，我地討論後決定揀個C餐，貪佢平平地，又有豬肉同牛肉，款式都唔少。
💋自助沙律吧，我呢D健康寶寶，當然先食個沙律清新一下口腔，又可以補充纖維，我覺得佢最特別係有紅心蘿蔔，我食左好多碗，佢D沙律大多數都新鮮爽脆，加埋日式芝麻醬一齊食，令人不自覺地上左癮。
💋飲品區(柑桔美人水，青瓜奇異果綠茶，粉紅檸檬梳打，利賓納，雜果賓治，橙汁同汽水等等)，不得不提佢杯美人水，淡淡地柑桔味，飲完都覺得自己美左，哈。而佢杯奇異果綠茶真係飲到酸酸地的奇異果味，配埋青瓜都幾好飲。
💋和牛拼盤(和牛三角腹肉，和牛西冷，和牛里脊肉，一口牛，牛肋條肉中，和牛牛肋肉，冬菇，南瓜同粟米仔)，呢個拼盤一坐低就有，唔錯，可以係等野食期間燒定D牛黎食，果然係和牛，食落肉汁豐腴，口感彈牙，牛味又凸出，最正係佢算係厚切，所以口感一流。
💋大分雞肉天婦羅壽司卷，日式炸雞壽司卷，炸蝦壽司卷，佢D壽司份量剛好，肉汁豐腴，厚度唔錯，我地食左好多碟，哈。
💋海鮮(元貝，蝦)，佢D海鮮選擇唔少，但我地獨愛元貝，果然冇錯愛，佢個殼可以承載住汁液一齊煮，唔會令到元貝乾晒，食落又冇沙，唔錯，而蝦方面都幾大隻下，肉質爽口彈牙，幾新鮮。
💋香蔥海苔溫泉蛋伴飯及辛辣牛肉麵，佢個伴飯勁大碗，配埋D燒肉一齊食味道剛好，唔錯，值得一提係佢個辛辣麵好有心思咁自家製湯底，食落有少少韓式辣醬味道，食落都唔錯，好濃郁。
💋日式雪條，佢個雪櫃有多款雪條，全部都係我最愛的日式，心心眼，我個胃仔冇能力食晒咁多款，淨係食左鹽味荔枝，食落荔枝味都唔算假，加埋鹽，鹹鹹地咁，好正。
總括黎講，呢間真係滿足晒食肉獸的要求，而職員的態度都值得一讚，就算我地係咁唔小心地整燶左個網，佢地都不厭其煩地不停咁換，態度好好。
張貼
