影片
更多
2018-09-06
98 瀏覽
識黎焱丸都係因為住係銅鑼灣既地膽介紹，佢話呢間野一定一定要黎食。見佢咁推薦就同男友專程黎試下啦！入到黎見餐廳既佈置都幾有特色，顏色豐富，感覺好熱鬧。---✨推薦✨三文魚牛油果酢漬($80)：好鐘意食酢漬，三文魚入口鮮甜，夾埋牛油果一齊食竟然一d都唔膩！配搭的車厘茄新鮮爽口，酸酸甜甜，係一道不錯既開胃菜！👍🏻---重頭戲黎啦~ ✨推薦✨秋刀魚($228)：每次食日本餐廳都會試下當季水牌上既刺身，因為日本空運既一定係最新鮮，最好味既刺身。而且價錢又唔太貴就點左秋刀魚啦。秋刀魚平時燒黎食就食得多，刺身真係第一次食。魚肉鮮美甘甜，肉質嫩滑且帶有油香。食落唔覺又一舊，唔覺又一舊，由於小妹鐘意食魚脂多同甘香既魚，差唔多成條俾我一個人食曬。---左口魚刺身($158)：左口魚刺身相對秋刀魚就比較清同淡味。魚肉則較結實，不過師父切得很透薄，食落避免了韌既口感。呢款刺身岩食唔慣魚脂既朋友（包括我男友）。---推薦✨甜蝦刺身($68)：甜蝦刺身比出面食既鮮甜，入口質感嫩滑。大大件，真係幾高質！而且分量都唔少下，其實都幾抵食！三文魚中卷($88)：三文魚甘甜而有魚香，上面鋪了香濃既黑松露。如果加埋芒果片就正
入到黎見餐廳既佈置都幾有特色，顏色豐富，感覺好熱鬧。---
✨推薦✨三文魚牛油果酢漬($80)：好鐘意食酢漬，三文魚入口鮮甜，夾埋牛油果一齊食竟然一d都唔膩！配搭的車厘茄新鮮爽口，酸酸甜甜，係一道不錯既開胃菜！👍🏻
---
重頭戲黎啦~ 
✨推薦✨秋刀魚($228)：每次食日本餐廳都會試下當季水牌上既刺身，因為日本空運既一定係最新鮮，最好味既刺身。而且價錢又唔太貴就點左秋刀魚啦。秋刀魚平時燒黎食就食得多，刺身真係第一次食。魚肉鮮美甘甜，肉質嫩滑且帶有油香。食落唔覺又一舊，唔覺又一舊，由於小妹鐘意食魚脂多同甘香既魚，差唔多成條俾我一個人食曬。
---
左口魚刺身($158)：左口魚刺身相對秋刀魚就比較清同淡味。魚肉則較結實，不過師父切得很透薄，食落避免了韌既口感。呢款刺身岩食唔慣魚脂既朋友（包括我男友）。
---
推薦✨甜蝦刺身($68)：甜蝦刺身比出面食既鮮甜，入口質感嫩滑。大大件，真係幾高質！而且分量都唔少下，其實都幾抵食！
三文魚中卷($88)：三文魚甘甜而有魚香，上面鋪了香濃既黑松露。如果加埋芒果片就正好啦！牛油炒野菜($52)：男友最最最鐘意就係炒雜菜，每次食日本野都必叫。野菜好新鮮，而且大大盆兩個人既分量。
✨推薦✨炸魷魚大盛($68)：炸野不嬲都係男友既摯愛，對於炸物頗有研究既男友就對呢個魷魚大盛有好高既評價啦！首先，油新鮮，蛋漿薄炸得好香脆，食落無油膩感，而且魷魚新鮮，食落好彈牙，真係食到彈牙，唔係講笑。😂😂😂連一向對炸物麻麻既小妹都忍唔住同佢爭食。
蠔鍋飯($88)：蠔係我既摯愛，自然歸我，鍋飯就歸男友。😂😂😂 蠔唔算大粒，勝在新鮮，海水味都幾重下。鍋飯有少少焦，岩曬男友既心水呀。
---
本身都只係諗住食下刺身就算，不過因為呢度既日式料理真係好好味。而且隔離台既磯燒蝦好似好正咁，頂住個肚都要同男友食。我地點了大蝦同蛤。兩樣都係我鐘意既海鮮。哈哈！
職員係隔離即燒俾我地食，直頭好似表演咁，唔止滿足左口腹，仲滿足埋視覺。睇住熊熊烈火，視線無法離開（係度發緊呆）。
✨推薦✨大蝦鬼殼磯燒($116)：終於明白咩叫「鬼殻」，蝦殻燒到焦黑，蝦肉則爽口彈牙，食落蝦味濃郁。黎到真係唔好錯過！
✨推薦✨白蛤磯燒($45)：白蛤係我想食既，一般食慣清酒煮，磯燒真係第一次，呢度既白蛤勁大粒，而且分量足。燒完既白蛤殻重有白蛤既汁係度，食落鮮味重，一食就知係靚料，而且勁大粒，忍唔住叫唔食海鮮既男友都一定要試。食完佢都讚好好食，呢點難得。
對於一向都唔太食海鮮既男友黎講，今次點既兩款海鮮磯燒佢都十分滿足，食完仲讚不絕口，係咁話好新鮮，料又靚。
✨推薦✨巨峰梳打($48)及白桃梳打($52)：好多餐廳係特飲方面真係得過且過。好多時都係飲到梳打配香精。不過呢度連特飲都好有良心，真係食到巨峰肉，而唔係得隻味。我就比較鐘意桃，所以就點左日本白桃梳打啦。對焱丸既印象真係好好，因為職員既禮貌好好，而且用料新鮮，但價錢公道。記得果晚落大雨，不過仍然客似雲來，終於明白點解朋友係咁瘋狂推薦我地黎。真係食過一次一定會返轉頭食！
張貼
