鮨樂 (荃灣千色匯I) (已結業)

小朋友放學就換衫去街街啦! Shopping 前食番個 LUNCH ✨Sushi Raku 鮨樂 ✨▶️荃灣眾安街68號荃灣千色匯1期地下G027號舖CP 值高 ✅午餐定食▶️定食附送沙律同味噌湯沙律菜新鮮爽脆，味噌湯好濃郁好足料🌈江戶前丼刺身鋪滿碗，有三文魚、赤身、墨魚、油甘魚、赤蝦同時令魚，時令魚係伊佐木，果然係時令，食落好鮮甜，赤身入口即溶，品質好高，三文魚油脂豐富，相當肥美，啖啖新鮮，香香魚油配搭調味醋飯真係好岩。🌈蒲燒鰻魚丼鰻魚厚身，肉質肥美幼滑，鰻魚有好郁濃鰻魚汁包住，每一口滿足，令人感覺幸福。魚油香噴噴拌隨鰻魚汁拌飯食真係無得彈食飽飽再食多一人一個甜品做結尾🌈豆腐雪糕同🌈柚子雪葩❤️豆腐雪糕食落好重豆香，口感幼滑，入口係啖啖豆漿咁❤️柚子雪葩味道較為清新，入口咬落會有少少柚子皮的澀味，一清味蕾。最後要大讚店員服務態度好好，入坐前已詢問要熱茶定水，一坐低就為小朋友安排兒童餐具，途中不停refill熱茶，相當貼心。