牛大人台灣火鍋吃到飽 (偉華中心)

營業中

休息中

呢度吃到飽台式火鍋湯底好多選擇，我揀左個阿嬤養生濃湯鍋，足料有養顏桃膠、紅棗、蟲草花等等滋陰材料。味道清清地似飲湯，做火鍋湯底仲無咁熱氣添。我個餐係極上和牛吃到飽，有4粒免費澳洲和牛牛丸。爆汁彈牙牛肉味濃真係超級好食！好多款肉類選擇：質地軟淋d就美國和牛M5牛肩卷、美國極級肩里肌牛味濃d但纖維多啲、有咬口嘅就安格斯特選牛板腱、淥一淥就食得手切封門柳、紐西蘭羊卷肉等等。呢期自製生啤有promote強波酸啤，酸酸地嘅啤酒幾得意～仲有必點私房鴨血、章魚珍珠漿、蟹籽墨汁漿同自取招牌冰豆腐，尤其係鴨血本身入哂味，湯底整熱就食得！海鮮類我都會點d一向有水準嘅，例如魚味濃嘅真台灣鯛魚片、真正脆肉少骨嘅鯇魚腩、爽口海蝦。飲品任飲包括自家製茶類，尾聲仲包括每人一甜品，CP值高！