和牛燒肉一郎 (寶漢大廈) (已結業)

話說嗰日lunch time走咗去超市度行, 已經超及想食和牛牛扒, 咁作為咁懶惰又無肉不歡 （亦都最鍾意食牛肉）嘅Foodie 就決定假期前一日出街食好啲, 試吓最近人氣高企嘅日式和牛燒肉放題 - 登登登登 一郎和牛燒肉 由於係收工過去嘅關係揀咗間港島區嘅分店, 地點好方便係銅鑼灣地鐵一出對面就係, 去到見到好多人排緊隊, 好彩有book定位隻, 所以提醒想食要早啲 book 枱呀！人大咗比較着重貴精不貴多, 但呢間放題係可以做到又精又多 👍入到去座位好闊落, 兩個人嚟到都有卡位坐, 而且隔板好高, 坐得好舒服之餘私隱度亦都足夠Salad bar, 飲品同埋甜品都係任攞~見到網上好多人都推介CD餐, 因為CD餐有當日即切精選和牛, 所以今日就叫咗個C餐試一試嗰日嘅新鮮即切和牛係西冷, 放咗喺個寶藏盒度攞出嚟, 上嘅時候仲有乾冰喺底, 放到上枱會有幾分鐘時間俾你慢慢打卡, 嗰種感覺好夢幻, 然後就會有店員過嚟幫你即場燒嗰塊和牛, 燒到啱啱好再幫你剪埋, 第一啖食落口嘅感覺真係有種去咗日本, 入口即溶, 直程係俾Foodie嘅一種感動! 仲記得當年去東京食燒和牛, 入口即溶, 估唔到可以