成都老碼頭火鍋 (已結業)

記得之前去成都旅行嘅時候係我第一次食呢間火鍋店！嗰陣時係一個成都朋友帶我去，當時食覺得呢間火鍋店比其他大陸嘅連鎖火鍋店高質好多！之後老碼頭又係深圳開咗分店，我都成日走去食😍今次佢喺香港開咗分店，決定都要幫襯下😋湯底方面：豬骨 + 成都小辣👉🏾打邊爐嘅時候食得出豬骨湯底嘅味道，冬菇非常鮮味，最適合唔食得辣嘅朋友👉🏾本身以為香港小辣會唔夠，所以叫咗成都小辣，但係食落真係幾難，所以建議大家唔食得辣嘅話，都係叫香港小辣算啦🥵必選食材推介🐗黑毛肚：淥10秒，鮮味十足，淥得太耐口感會變硬🐷豬黃喉：淥1-2分鐘，好爽口，淥得太耐就會卷埋一舊🐟龍利柳：大大啖嘅魚肉，完全冇骨，最適合鍾意食魚嘅朋友🥗凍豆腐：淥到接近一夾就散就可以食，完全吸收哂豬骨湯嘅味道🤤調味方面：佢本身已經有一個推介嘅醬料，你可以自己額外再加你想要嘅配料，個人認為揀佢調配嘅醬料就最有成都風味👍🏾總括來講，睇得出佢對鋪頭嘅裝修花過心思，好有中國特色，對於我來講，可以食得出之前喺成都食嘅味道，係喺香港其他打邊爐嘅地方比較難搵呢隻味，所以的確係有佢嘅賣點，不過價錢唔算平，但綜合來講都算係做得幾好👌🏾