德國餐廳 (博文街) (已結業)

好耐冇同阿媽岀街食飯，今晚特登試下食特別啲，雖然我地都唔飲酒，但就好想食徳國豬手，朋友就介紹黎呢間徳國餐廳，佢話收工時間都好多人黎happy hour，所以特登早少少到。天未黑已經到。有幾張枱已經坐左人了。店內裝修都比較簡單，不過就係簡單先坐得舒服。黎到緊係要試下佢地個豬手同腸拼盤啦。呢個係大份香腸拼盤，份量都幾大份，有四種唔同既香腸，配上兩種唔同既醬汁你點，熱辣辣上好正，香腸內充滿肉汁，我見幾枱客都叫呢個當小食。豬手岀場，新鮮熱辣焗起，未岀黎已經聞到好香。肉好鮮嫩，皮好脆，師傅仲會幫你起埋肉，等你食得舒服啲，佢起肉會起得好徹底，骨上面冇殘餘嘅肉喺度，正