藏 (已結業)

呢日去咗銅鑼灣食omakase～雖然只係嗌咗壽司十貫嘅午市定食🍣但其實都包咗前菜同甜品，所以冇食早餐去食完都好飽🤪當日前菜嘅茶碗蒸超滑嫩已經驚豔到我🤩 壽司十件分別有𩶘魚、帶子、平靜魚、金目魚、吞拿魚、右口魚、銀鱈魚、拖羅、海膽同瀨尿蝦🐟最印象深刻嘅就係👍🏻超鮮甜，入口會化開嘅海膽👍🏻入口即化嘅拖羅加咗靚靚嘅蝴蝶昆布👍🏻火炙右口魚裙邊逼晒啲魚油出嚟，加埋松露豉油點綴👍🏻面頭掃咗少少蝦殼精華，極鮮甜嘅瀨尿蝦每一件壽司都握得好鬆軟唔會好死實，用料都好新鮮，亦都好厚切😍 廚師都會好仔細咁講解每一件壽司點整，有啲咩特色，同客人係咁互動，呢個亦都係我鍾意坐壽司吧枱嘅原因🤣最後仲有一個雜錦魚生飯，麵豉湯，同黃豆粉蕨餅作結～超滿足嘅一餐🤎