粗店燒烤 (已結業)

一入個餐廳就發現呢度嘅裝修好特別，每枱都有包紙巾好似古代咁吊落嚟😯😯😯我哋一坐低，職員就介紹呢度既串燒，同埋畀咗孜然同埋辣椒粉，我哋一問到孜然味，食個燒烤感覺出曬嚟❤️❤️在餐廳都幾有心思，怕啲串燒會凍，用左蠟燭黎保溫，啱曬慢慢食慢慢吹水而食方面，餐廳嘅串燒好平，牛肉串先係28蚊，仲要係兩份，計埋真係14蚊份，食街邊檔都未必得。😂😂😂我覺得呢度嘅牛肉串係最值得推薦，因為佢真係好多肉汁，多到泌曬出嚟，咬落鮮嫩🤤🤤🤤 另外佢嘅烤茄子都好出色，同一般嘅餐廳唔同，除咗蒜蓉辣椒之外仲會加少少榨菜喺面頭，令食落去嘅時候唔會太油膩😆😆😆 除此之外，呢度嘅海鮮都唔錯，生蠔同扇貝都好大隻，又新鮮，價錢又平🥹🥹🥹