圓老爺雞煲小廚 (已結業)

元朗-圓老爺雞煲小廚：麻辣重慶雞煲（半隻）（$122）、欖菜肉鬆四季豆煲（$58）、香煎大澳咸魚肉餅（$72）、避風塘蝦球（$98）-大推介的一間小廚式餐廳！！貌似新開不久，裝潢新淨，樓高有兩層，做的都是街坊生意，因為我落單後等左35分鐘先有菜上，觀察到附近幾枱家族聚會已經係回頭熟客，短時間有這種成績，野食一定有番咁上下🤩結果係不枉我等左咁耐，食物質素卓越，由賣相到味道都不比中上價中菜廳遜色，只係環境係元朗小店，樓上無窗，比較嘈雜，但價錢比後兩條街的大排檔還要便宜，性價比贏咗十條街。-鹹魚肉餅超好吃，肉質彈牙，還吃到咸魚肉，勁下飯，絕對係加餸之選。欖菜肉鬆四季豆煲沒有用煲仔上，有點與期望不符，但味道鑊氣份量都👍🏻👍🏻，我很喜歡！麻辣重慶雞煲也很ok，超多洋蔥、索哂雞煲味很好吃🤣後加了一道蝦球，有很多煮法，最後選了避風塘蝦球，蝦球大隻，沾炸漿油炸了很香口，難得是肉質彈牙鮮味，抵食！整體這是一間令我想不斷回頭的小廚！希望別太快加價。