105
2
1
港鐵朗屏站 D 出口, 步行約8分鐘 繼續閱讀
電話號碼
24795999
營業時間
今日營業
11:30 - 15:00
17:00 - 23:00
星期一
全日休息
星期二至日
11:30 - 15:00
17:00 - 23:00
付款方式
現金
座位數目
70
其他資料
Wi-Fi
酒精飲品
自帶酒水
泊車 詳細介紹
電話訂座 詳細介紹
外賣服務
加一服務費
電視播放
食評 (114)
等級4 2019-07-20
1192 瀏覽
這日在元朗逛街,所以在預先上網找小間小菜館吃,「圓老爺鷄煲小廚」位於元朗輕鐵站豐年路附近,很易找到。走夜了,大概8點半左右,餐廳門外還有不少人在等侯,而門口照片是吃完後大概10點鐘影,當時就不用等位。而我等了10分鐘便可以入座。這小菜館設有兩層,裝修企理,環境新穎乾淨。這裡的小菜非常抵食,看看菜單便知。所以本身只想點小菜,但發現附近食客都點了雞煲,實在太吸引。所以點了一個雞煲、兩款小菜的白飯。醬皇鮮味蝦蟹雞煲一上桌真是不得了,蝦蟹雞煲,顧名思義有蝦有蟹和有雞,非常豐富。而香料也非常之多,有蔥頭、蒜頭、薑片等等。一打開煲蓋,香氣已經撲鼻而至。我要了小辣,不算太辣,醬汁很濃,帶少少甜,與辣味相配,並無掩蓋雞肉的鮮味。雞肉肉質嫩口鬆化,不會太乾身。蝦蟹都算肥美,將醬汁完全吸收,很惹味!蜆芥鯪魚球每粒鯪魚球都炸至金黃色,熱辣辣,外脆內軟。再配上帶少許鹹鮮的蜆芥,令鯪魚球提鮮,是不錯的小食。蒜蓉粉絲蒸蟶子皇經店員推介後,最後的3隻蟶子皇都被我們點下,果然沒有介紹錯!在蒜蓉粉絲蒸過程中,粉絲可以吸收蟶子鮮味同蒜味,一點都不失色。而蟶子皇很大隻,鮮甜爽滑,烹煮的時間掌握得很好,一點都不韌,蟶子吸收左蒜蓉味後相當惹味! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-07
826 瀏覽
之前聽朋友講過,話呢一間雞煲係幾好食,當然要來試一試啦 ! 果然係有些驚喜,味道都是不錯的,尤其是呢度嘅炸嘢,個人來講覺得比較出色 !而且價錢經濟,但衛生環境就認真麻麻哋,抹枱塊毛巾,應該好耐冇洗過,剛剛抹完張枱就已經好大浸噏味 !好彩食物的味道補救返 !首先麻辣青瓜,口感不錯十分香口醒胃,青瓜還是涼涼的,所以感覺唔算太辣 !雞煲叫咗兩個口味 :一個係麻辣,另一個係普通醬汁 唔辣的!個雞煲上咗台之後,需要先煮一陣間先至可以進食,在旁邊等待的時候,也聞到陣陣的香味,尤其是麻辣味 !雞肉多汁嫩滑 ,而且都幾入味,食完個雞煲仲可以用來打邊爐 。椒鹽鮮魷,這個真的炸得不錯,製香口嘢味,仲要啖啖肉,而且肉質都嫩滑!炒蜆:味道還是不錯的,食得到他的鮮甜味,但係有好多蜆肉唔見咗 !呢個咋豬髀骨,下次嚟都要再叫 !啖啖肉而且很野味,又唔會炸到肉質太乾!香香脆脆,口感不錯!呢一個酥炸生蠔,下次亦都可以在order ,外脆內軟,有蠔的鮮味,而且都頗為大隻,連埋塊生菜一齊食,感覺就唔會咁油膩 ! 繼續閱讀
(以上食評乃用戶個人意見 , 並不代表OpenRice之觀點。)
-呢個weekend同朋友去元朗做義工,同狗狗🐕玩完成日好肚餓囉,見到周圍都有雞煲🐔食,又心思思,但又怕熱🤔。行行下見到呢間👉圓老爺雞煲小廚,有冷氣,岩晒啦✌️。餐廳唔大,七點🕖已經坐滿左,好在上層仲有一張枱。望下餐牌📃,都幾多選擇。飄香醬皇雞煲🐔($122)打開個煲蓋,香噴噴,入面有芫茜、洋蔥🌰、紫洋蔥、原粒蒜頭,小辣🌶️已經好惹味,一煲有半隻雞,已經夠晒我地兩個人食。配埋白飯🍚($12)啱哂,停唔到口😜。椒鹽鱔柳($108)大排檔風味又點少得煎炸嘢食,2款食完都唔會成口油,同成口粉,炸得好乾身😙。平時食黃金蝦就多啦,今次金沙鮮魷🐙($78)幾特別兩味都好新鮮。如果唔係揸咗車🚗,真係想飲番杯🥂食咗3款相對重口味菜式,最後叫返嗰金銀蛋時蔬🌿($68)清清地,我地揀左莧菜🌿,都唔錯。下次要搵多幾個朋友👩👨🧑來,咁就可以食多幾款啦,因為佢仲有幾款雞煲口味😎。==========圓老爺雞煲小廚地址:元朗豐年路7號豐年樓地下E號舖 繼續閱讀
(以上食評乃用戶個人意見 , 並不代表OpenRice之觀點。)
等級4 2019-05-20
193 瀏覽
突然好想食雞煲, 所以呢日孖住余爸爸到 元朗豐年路嘅<圓老爺雞煲小廚>食。食。食!呢度都算幾多菜色選擇, 而且價錢都唔貴, 仲免加一收費~ 呢餐只需$400左右就已經可以食到好飽! 一心嚟食雞煲的我, 當然要點 <飄香醬黃雞煲> $122 啦! 店員把雞煲內的雞炒左兩次, 之後就食得喇! 一開蓋已經聞到好香嘅醬油味和洋蔥味!啲雞好入味, 而且煮嘅時間啱啱好, 肉質嫩滑! 我地兩口子好快已經成煲KO晒!<薑蔥焗魚雲> $88 師父把魚頭砌成片狀, 先炸後焗, 每年魚雲都好香脆, 就連啲骨都炸到好脆, 真係可以連骨食㗎~ 加埋薑蔥嘅香味實在太惹味喇! 講到惹味, 呢碟<豉汁蒸大鱔> $128 真係超級惹味夾好味! 用鼓汁嚟蒸我就最鍾意, 因為好入味~ 啲大鱔件件都好滑, 肉質結實, 是鎮店招牌菜之一! 我地專登點左碟<揚州炒飯> $58 可以一路撈埋雞煲嘅醬汁, 一路食大鱔和魚雲, 真開心! 炒飯夠乾身, 絕不偷懶! 整體來說, 每道菜我地都幾滿意, 可以encore! 繼續閱讀
(以上食評乃用戶個人意見 , 並不代表OpenRice之觀點。)
等級1 2019-11-01
13 瀏覽
諗住去食下間新野拉,點知就瀨哂野。一去到叫服務員幫忙放蛋糕就話轉頭幫你,點知轉左10分鐘佢自己坐低埋都冇過嚟幫忙放入雪櫃,根住一野拎蛋糕個袋就剩係拎一邊手抽位同呢位服務員講話重有一邊未拎就不停叫我放手,一拎到手就大力fing 左一下。我個蛋糕唔爛都要偷笑。去到食完雞煲加湯轉打邊爐,點知啲湯係加水而唔係濃湯,而且加完水係好油。餐牌方面同其他打邊爐餐廳既完全唔同,冇餃子冇丸類。呢間野打邊爐就真係可一不可再。 繼續閱讀
(以上食評乃用戶個人意見 , 並不代表OpenRice之觀點。)