影片
更多
2023-11-07
22 瀏覽
之前好多時自己都係去食比較正宗既印度菜，朋友第一次食印度菜所以就俾佢由淺入深，今次就帶佢去試下有少少fusion式既印度餐廳【Chutney】。餐廳位於中環，裝修非常靚又不失傳統印度宮廷風格，而且由宜家到11月19號、夜晚都有傳統印度音樂live，真係非常特別。一上黎會有餐前小食，脆薄餅再加上薄荷醬、紅菜頭醬同guava醬。出面一般都只係有薄荷醬，而佢地有紅菜頭醬同guava醬真係好特別，我個人比較鍾意薄荷醬同紅菜頭醬，一個清新一個甜甜地。Keema Pav：免治羊肉加左好多香料，上面再有炸薯仔絲同流心鵪鶉蛋，之後搭配牛油焊左既麵包。免治羊肉因爲加左香料，所以唔會話好重膻味、反而好香，麵包鬆軟。個人非常推薦。Tandoori Octopus：窯燒鷄肉或者羊肉串就食得多，但窯燒八爪魚真係第一次食。感覺有慢煮再燒，因爲八爪魚非常軟霖，外面燒得好焦香。而粟米微辣，好惹味、再搭配甜甜地既紅菜頭醬，一流。Butter Chicken：每次食印度菜都必點，味道濃郁又唔辣。番茄味同cream真係好match，而且鷄肉算好多而且好嫩滑。Truffle Cheese Naan：第一次食有黑松露既Naan
一上黎會有餐前小食，脆薄餅再加上薄荷醬、紅菜頭醬同guava醬。出面一般都只係有薄荷醬，而佢地有紅菜頭醬同guava醬真係好特別，我個人比較鍾意薄荷醬同紅菜頭醬，一個清新一個甜甜地。
Keema Pav：免治羊肉加左好多香料，上面再有炸薯仔絲同流心鵪鶉蛋，之後搭配牛油焊左既麵包。免治羊肉因爲加左香料，所以唔會話好重膻味、反而好香，麵包鬆軟。個人非常推薦。
Tandoori Octopus：窯燒鷄肉或者羊肉串就食得多，但窯燒八爪魚真係第一次食。感覺有慢煮再燒，因爲八爪魚非常軟霖，外面燒得好焦香。而粟米微辣，好惹味、再搭配甜甜地既紅菜頭醬，一流。
Butter Chicken：每次食印度菜都必點，味道濃郁又唔辣。番茄味同cream真係好match，而且鷄肉算好多而且好嫩滑。
Truffle Cheese Naan：第一次食有黑松露既Naan，又幾特別。外脆内軟，黑松露加左D香氣但又唔會蓋過butter chicken既味道。
Celeriac Miloni：佢地既新menu，香料薑黃燉雜菜、個人覺得有少少橄欖味，雜菜包括豆、薯仔、紅蘿蔔、椰菜花等等。之前比較少食呢類印度菜，又幾特別。
Pistachio Kulfi：開心果雪糕，印度甜品整體會加D香料，呢個都唔例外，但係非常creamy、開心果味同奶味都重。
Rose Lassi：玫瑰味乳酪，唔會太artificial，乳酪酸酸甜甜
Chutney’s Iced Tea：有石榴、檸檬等水果再加紅茶。完全唔甜，好解渴。
張貼
