影片
更多
2025-05-10
24 瀏覽
收工約咗老細出尖沙咀食嘢～因爲五一假期，大把遊客，成條彌敦道都係人！！跟住人流落到嚟慶方搵嘢食，老細想食車仔麵，話掛住呢度個豬手！我都覺得呢間質素真係唔錯，但係實在太好生意啦！有啲招牌嘢已經賣曬，二話不說即刻掃碼落單～老細叫咗個四餸麵：豬手、豬皮、咖哩魷魚、牛柏葉…粗麵+腩汁～豬手依舊炆得好入味好冧，豬皮都一樣～佢個咖哩魷魚好有辣勁，非常掛汁～連牛柏葉都要隊埋落去索汁！因為唔太肚餓，我叫咗淨餸：魚腐、魚肉、生菜、黑椒牛丸同水魷～加咗沙嗲汁～非常之惹味～魚腐好入味，佢個黑椒牛丸質素非常高，除咗彈牙，簡直爆汁！！除咗要叫多個通菜之外，佢嘅即炸魚片頭拼豬扒雙拼都一定要試！豬扒醃得非常入味，又juicy！魚片頭好彈牙！好彩～佢自家製嘅石斛竹蔗茅根水仲未賣曬，即刻整返支嚟下下火先！！呢餐經濟實惠又飽飽，所以响尖沙咀鬧市中，係一個不錯嘅經濟選擇！！
收工約咗老細出尖沙咀食嘢～因爲五一假期，大把遊客，成條彌敦道都係人！！跟住人流落到嚟慶方搵嘢食，老細想食車仔麵，話掛住呢度個豬手！
我都覺得呢間質素真係唔錯，但係實在太好生意啦！有啲招牌嘢已經賣曬，二話不說即刻掃碼落單～
老細叫咗個四餸麵：豬手、豬皮、咖哩魷魚、牛柏葉…粗麵+腩汁～豬手依舊炆得好入味好冧，豬皮都一樣～佢個咖哩魷魚好有辣勁，非常掛汁～連牛柏葉都要隊埋落去索汁！
因為唔太肚餓，我叫咗淨餸：魚腐、魚肉、生菜、黑椒牛丸同水魷～加咗沙嗲汁～非常之惹味～魚腐好入味，佢個黑椒牛丸質素非常高，除咗彈牙，簡直爆汁！！
除咗要叫多個通菜之外，佢嘅即炸魚片頭拼豬扒雙拼都一定要試！豬扒醃得非常入味，又juicy！魚片頭好彈牙！好彩～佢自家製嘅石斛竹蔗茅根水仲未賣曬，即刻整返支嚟下下火先！！
呢餐經濟實惠又飽飽，所以响尖沙咀鬧市中，係一個不錯嘅經濟選擇！！
張貼
