一喜車仔麵

營業中

休息中

估唔到重慶大廈隔離有一個幾靚仔嘅地底商場，裏面有一間好地道嘅香港式車仔麵店。未入店，先見到一個好吸晴的舊式車仔麵車仔。入到去採用港式大排檔風格裝修，好有懷舊風格。尊貴10寶麵啱晒我呢啲唔鍾意諗啲咩餸嘅人，但樣樣都想試嘅人點。內有牛腩，瀨尿牛筋丸，瑞士汁雞翼，翼尖，魷魚丸，豬紅，豬皮，蘿蔔，紅腸，時菜（通菜）。餐廳超大方每粒丸都有兩粒，出面好少有車仔麵店比咁多料，成碗滿晒，料多過麵，超少有。想健康嘅朋友可以配上淮山麵。上湯鴛鴦餃(3韭,4菜肉）皮薄餡靚，唔會過大嚿，叫來送車仔麵加菜，剛剛好。炸韭菜餃(6隻)又係鄙薄餡，靚炸到金黃色食落外脆內軟口感非常正葱油孖寶飯 (雞扒+豬扒)雞扒非常嫩身，外脆內軟。豬扒好脆。蔥油撈飯超好味。紫菜4寶淨餸 (黃金雞湯)餐廳秘製黃金雞湯，黃金湯飲落有濃濃的雞味，亦有忌廉湯味，估唔到咁好飲，出面飲唔到呢種雞湯味道。內有瀨尿牛筋丸, 汕尾馬鮫豬肉丸, 有魷魚的魷魚丸,汕尾小米粿。每粒丸都有兩粒非常多料。菜芯 （牛腩汁）菜心非常爽甜加埋牛腩汁冇得頂。餐廳自製辣椒醬使用龍蝦肉、瑤柱、XO醬做成。食到辣嘅朋友記得買非常之辣，有點似桂林辣椒醬的味道。豆漿同竹蔗茅根都係

《一喜車仔麵の食評》 by@ihungry.hk土瓜灣嘅食客一定好熟悉呢間車仔麵店——一喜車仔麵🥰！無論任何時間都會見到有人企排隊，大家都係為咗佢哋高質兼充滿人情味嘅美食而來！ 湯底都係用上等材料慢火熬製，大部分配料仲要係自家製作，傳統手工丸及餃子絕對係超高質👍！🔸『牛寶寶 - $60』牛寶寶包括牛腩、瀨尿牛筋丸、肥牛、牛柏葉，可以盡情享受多種牛肉口感，仲可以細味濃郁牛湯嘅鮮味！🔸『自選車仔麵 - $68』自選車仔麵有多達20配料選擇小編特別推薦手打丸類，如芥末貢丸及魷魚炸丸，超彈牙超新鮮超Juicy，而湯底方面，小編特別推薦秘製雞湯🐥，湯底清甜到好似將一整隻雞嘅精華煮出嚟！🔸『咖哩三寶 - $35』咖哩三寶包括魚旦、魷魚及牛柏葉，咖哩的香氣與同呢三種食材的豐富度完美結合，令你在咬下第一口時就可以感受到濃郁咖哩香味！🔸『生菜魚肉 - $30』湯底口感清爽鮮甜，簡單卻不失風味，魚肉嫩滑與生菜清脆完美搭配，超好味！ 🌟🔸『新鮮爽滑魚皮 - $39』魚皮爽脆可口，搭配重口味調味料，讓你欲罷不能！ 魚皮爽脆口感加上調味料風味，讓你一次又一次地回味無窮，非常適合喜愛魚皮嘅朋友仔😋！🤪iHungr

尖沙咀isquare附近有一個名為「慶方」的商場，入口有電梯直落地庫。之前已光顧過入面的幾間餐廳，今晚再過來搵食。慶方商場內滿佈食肆，今次和朋友選擇了來這間「一喜車仔麵」用餐。一向喜歡吃車仔麵，因為可以按個人口味自由選擇配搭！第一碗是米線配沙嗲汁湯底，再選擇了四個餸：午餐肉、炸墨魚丸、有魷魚粒的魷魚丸和生菜。米線偏爽，沙嗲汁湯底很香濃，未有過鹹之感。午餐肉厚切煎香，2款丸的口感都頗為彈牙，而炸的一款更是惹味一些。第二碗就選了銀針粉，平時食車仔麵好少見到有這個選擇，滑溜口感又帶點Q彈。配上他們的招牌黄金雞湯，濃稠鮮香，和銀針粉都幾搭。這一碗揀了三款餸，有炸蝦條、瑞士汁雞中翼，以及生炸酥脆豬扒。蝦條內餡除了蝦肉，也混合菜蔬，口感幾豐富。美中不足是豬扒浸了湯，外皮淋掉，未能感受到生炸的酥脆感。魚蛋大粒，入口有彈牙感，帶微微魚香味，證明不是用平價貨。咖哩汁味道非常香濃，微辣惹味。後來店家介紹得知醬汁是自家製作，以各式香料去炒成，心機之作。這個是例牌半份的份量。叉燒屬於瘦叉，肉質比較紮實，入口有蜜汁香味。加配了他們的自家製飲品。石斛竹蔗茅根水甜度適中，滋潤又解渴。

凍冰冰係尖沙咀想食碗麵 發現了這間有點隱世的車仔麵 因為不是坐落於大街上 要在慶方落一層電梯到地庫 店舖明亮整潔 可以坐得好舒服咁食車仔麵在門口已經見到餐牌有超級多選擇 除咗大量車仔餸外 還可以點飯類、生菜魚肉、炸物等等 飲品還有自家製涼茶、豆腐等我點了自選車仔麵（酸齋、汕尾馬鮫豬肉丸、特級瀨尿牛筋丸、豬大腸、牛腩汁）；朋友的沙嗲牛腩烏冬（走湯撈沙嗲汁+麻辣汁）加了豬紅、魚皮餃、豬腩肉；另點小食：咖哩魚蛋、瑞士汁雞中翼、椒絲腐乳通菜必點推介一定是咖哩魚蛋！好耐無食過咁好食既咖哩魚蛋～首先魚蛋本身高質 大粒幾彈牙 一d都唔會係粉果種 咖哩汁微辣但香濃 適合大眾口味👍🏻另外沙嗲牛腩都是高質之選！牛腩炆得超級濃味 而且份量好多 送飯一流！車仔麵配料的豬腩肉、特級瀨尿牛筋丸和魚皮餃都不錯整體來說 食得出一喜本身來貨都是較有質素的食材 選擇又多 價錢在尖沙咀區絕對是抵食 下次要試埋佢另一signature的叉燒！❣️ 一喜車仔麵 (尖沙咀)尖沙咀彌敦道36-44號慶方地庫S19-21號舖

食店地點優越，位處九龍中心地帶，又鄰近地鐵站，食品種類多元化，性錢比高，誠意推介必食厚叉燒半例 $39半肥瘦叉燒遞上枱時，淡淡蜜汁味已散發整張食桌，另人食指大動，當咬下叉燒一刻，齒甲流香，又不黏牙，加上肥瘦均勻，一試難忘炸韭菜餃 (6隻) $30韭菜餃表皮炸至金黃色，酥脆香口，配上充料的韭菜，每粒炸餃看起來都十分脹卜卜，視覺及嗅覺都另人享受自選車仔麵 $49雞翼尖入味，豬腸爽口，滑溜溜的河粉配上腩汁，使車仔麵提升一個層次，飲品包含支裝豆漿，使人滿足沙嗲王(豬紅，豬皮，蘿白) $38豬紅，豬皮有咬口，蘿白入味，一嚐後另人不能停口椒鹽魚片頭 $26爽口彈牙，又有淡淡魚肉味生炸潮州三寶 (馬鮫豬丸，深海墨魚丸，魷魚丸)$39馬鮫豬肉丸成份有豬肉，鮫魚及大地魚，口感複雜有咬口，肉丸有清香豬肉味之餘，又有鮮甜魚味，配搭一流墨魚，尢魚丸都十分有咬口，粒粒墨魚，章魚都在丸內，十分足料特級瀨尿牛筋丸6粒 $36牛筋丸大小合適，容易吞食，牛筋丸一咬下，即爆汁，和味十足咖喱四寶(魚蛋，魷魚，牛腩，牛栢葉)$59咖喱汁入味，完全滲入食材內，食到不能停口一喜車仔麵彌敦道36-44號重慶大廈heath慶方地庫S

平日好少去食車仔麵，因為香港冇幾間車仔麵係整得好食。本來去呢間車仔麵食都係因為佢嘅裝修風格幾有以前舊式香港嘅味道，嘢食麻麻嘅話都可以影幾張靚相開心下。點知味道都唔錯，驚喜咗๑˃́ꇴ˂̀๑以後想食車仔麵嘅時候終於有選擇啦！清湯米粉 ($36)湯底微微清甜，入口清新可口，米粉($12)嘅彈性唔錯。搭配嘅食材中，汕尾馬鮫豬肉丸($12)同魷魚丸($12)各有特色：魷魚丸入面亦加入咗魷魚粒，整體口感柔軟又彈牙，而豬肉丸則散發住濃郁嘅豬肉香，味道微鹹，同清湯粉麵搭配得宜，幾好食。清湯公仔麵 ($69)公仔麵($12)煮得非常爽身，口感滑順。材料選擇方面，揀咗豬皮($12)、特級瀨尿牛筋丸($12)、豬大腸($15)同埋豬腩肉($15)。豬皮滑溜Q彈；豬腩肉肥瘦適中，口感柔軟又煙韌。特別值得一提嘅係豬大腸，通常出面餐廳嘅豬大腸會有腥味，但呢度嘅卻毫無異味，滑嫩彈性十足，令人驚喜。而瀨尿牛筋丸嘅質素都好好，咬落去第一下就爆汁，牛肉味鮮香又油潤，肉質細嫩，口感極佳。另外佢哋自製嘅麻辣汁($3)辣味十足，食一啖已經辣到我嗶眼水，撈埋粉麵一齊食，更惹味！瑞士汁雞中翼 ($28)有四隻雞中翼。淋上豐富嘅瑞士汁，

黃金雞湯車仔麵真係正！湯底濃到黏嘴唇，雞味爆棚，加埋啲麵條，湯同麵一齊食，香到癲！必試！ 雞扒腸仔飯就係經典 comfort food，雞扒煎到外脆內嫩，腸仔甜甜哋，撈埋啲豉油汁同飯一齊食，簡單但滿足到震！ 汕尾小米粿呢款真係驚喜！皮薄到透光，餡料爆滿，咬落去煙韌得嚟仲有啲蝦米香，點埋辣椒油，食到停唔到口！ 香辣單骨雞翼懶人恩物！單骨設計食得好方便，辣度啱啱好，皮脆肉嫩，送啤酒一流！ 紫菜魚肉湯清淡得嚟鮮味十足，魚肉彈牙，紫菜滑溜溜，香港小食之一，亦係我嘅首選。總括：款款有特色，街坊價錢，食過返尋味！

尖沙咀Isquare 對面開左美食廣場，入面有唔小野食，食開既人至知呢間隱世車仔面，地方闊落而且服務態度好好💓 認住呢個車仔檔就搵到朋友同我食完都話正既車仔面👍🏻 🍜豪華九寶麵 河粉 雞湯 牛腩汁友人簡左呢個豪華面，入面有9個餸，加埋佢既雞湯，令碗面既味道更上一層。咖喱三寶(魚蛋,魷魚，牛柏葉）✅必點！超級推介 魚蛋：口感彈牙，吸收了咖喱的香氣，唔同出面，咖喱香料味道濃厚，辣度適中，帶有微微的甜味同鹹味。魚蛋入面都入晒味。唔怪之得係皇牌！真係必叫！魷魚🦑同牛柏葉：柔韌且略帶嚼勁，搭配咖喱的滋味相得益彰，魷魚的鮮味更為突出。🍜自選車仔麵/飯 ，呢到車仔麵之外，仲有車仔飯有幾款餸想推介✅麻辣汁 佢個麻辣好過癮，可以自己加辣，越食越惹味😝食唔食得辣，唔好加咁多。✅蘿蔔超級甜 入晒味😝✅紫菜 - 會吸收晒d湯底 超級掛汁✅特級瀨尿牛筋丸 - 會爆汁既丸😂✅炸蝦條🍤咬下去外脆內嫩，蝦肉超級鮮美，彈牙好味。酥脆外皮同嫩滑蝦肉搭配得岩岩好，忍唔住要散叫多次😝 ✅汕尾馬舷豬肉丸 潮洲特色丸豬肉丸咬落去超級柔軟，彈性十足，肉質特別細膩。每一口都可以感受到濃濃的豬肉香。支裝茱莉花茶✅ 清甜 好飲 飲唔晒仲

搵食搵食，今日嚟到尖沙咀重慶大廈嘅heath慶方地庫食Lunch,呢度有各款各式唔同嘅小店食肆，而呢間叫"一喜車仔麵"嘅車仔麵門口有一個舊式車仔麵檔做裝飾最為搶眼！呢度有各款各樣嘅港式食品！我哋一行四人叫咗2️⃣款小食+4️⃣個主食+4️⃣款飲品！🥟炸韭菜餃(6隻)$30- 韭菜餃炸得好乾身，一啲都唔覺得油膩！🍖瑞士汁雞中翼(4隻)$27- 四隻雞翼大大隻，而且滷得好入味！🍛葱油雞扒飯$63- 椒鹽雞扒炸得好鬆脆，而且肉味一啲都唔乾，份量十足！🥟上湯鴛鴦餃$35- 有3韭菜餃同4菜肉餃，全部自家制，雖然細細粒，但夠曬鮮味！🍛厚切叉燒燒肉飯$55- 叉燒肥瘦適中，配上半肥瘦燒肉，大碟又抵食!🍜豪華九寶麵 $59- 依個車仔麵真係恰如其名，夠曬豪華，有牛腩 、瑞士汁雞翼 、特級瀨尿牛筋丸 、有魷魚的魷魚丸、 豬紅豬皮 、蘿蔔、 紅腸同時菜，足料到爆！最後四杯款品- 凍好立克$8、熱奶茶$16同兩支自家制嘅竹蔗茅根$12上餐速度非常之快，所有食物都齊擺滿曬成張枱，都唔使$300，而且份量十足，仲好好味添！真係系尖沙咀嘅平靚正推介！👍

入到慶方商場見到車仔麵檔就搵到餐廳位置～🌟自選車仔麵 （$78）瑞士汁雞中翼 滷水蛋冬菇蘿白水魷魚生炸豬扒幼麵自選餸由$12-$15都有，款式好多，選擇困難症既我揀左好耐😂 推薦生炸豬扒（$15） 大大份最抵食，走湯撈要牛腩汁🌟炸韭菜餃（$30）可以話係成晚晚mvp，外皮炸到勁脆，韭菜餡係十分juicy! 🌟必食厚叉燒（$39)呢個真係如其名係必點，肥瘦適中，蜜糖味十足🌟椒絲腐乳通菜 （$18）🌟紫菜4寶丸黃金雞湯 （$49）最後有自家製石斛竹蔗茅根水，銀花雞骨草，跟餐加$10，清熱氣！

平時係isquare 影電視就見得多，原來下面有個商場有好多野食，今次個frd帶我去食車仔麵#十寶麵 - 有十款餸每樣都可以試吓，啱哂我個心大心細既朋友，仲可以試到唔同既招牌餸。瀨尿牛丸真係會爆汁，要好小心咁食😂😂牛肉味幾出牛丸好彈牙👍🏻雞翼滷得好入味#牛寶寶 -我就揀牛嚟食仲有得揀銀針粉食，好少地方仲有得叫銀針粉🤤🤤依碗都有牛丸😍仲有肥牛同牛腩都好好食仲叫咗個淨蘿蔔、魚皮食，蘿蔔應該係必叫之一，蘿蔔好甜冇根🥰🥰另外叫埋腐乳通菜同叉燒，好少見車仔麵有叉燒叫，叉燒都幾靚仔肥瘦均勻，又幾得喎👍🏻腐乳唔太鹹又有鮮味

這次品嚐的車仔麵整體表現頗為中規中矩，但仍有亮點值得欣賞。麵條選用恰到好處的厚度，搭配濃郁的牛腩汁，湯底味道豐厚醇美，提供了車仔麵應有的標誌性風味。牛腩汁為整個湯底注入靈魂，是這道麵的核心所在。配料部分的表現則參差不齊。豬紅新鮮且帶有鹹香味，口感滑嫩，與湯底融合得宜。蘿蔔的軟滑恰到好處。豬手的骨頭偏多，肉質稍少，讓人期待更多的肉香。牛肉丸則是此餐亮點之一，肉質彈牙且汁味爆發，入口瞬間充滿鮮美香氣。相對之下，韮菜餃的表現不盡理想，體積很小，口感稍嫌不足。至於豬腩肉，肉質偏韌，咀嚼困難，需要改善。值得欣賞的是店舖在服務上的貼心細緻，允許顧客自行選擇多汁、多湯、多蔥的搭配方式，充分照顧到食客的需求，讓人感受到親切關懷。

好滿意嘅用餐體驗。店舖寬敞乾淨，裝修帶懷舊特色，位置鄰近地鐵站。老闆店員都客氣友善，得閒仲會好似街坊咁傾吓偈。食物又抵又有質素，一個麵兩個餸可以四十蚊有找，仲有唔少特色餸/湯底。非常推薦。 ✦ 汕尾馬餃豬肉丸馬絞肉鮮味十足，肉質厚實爽彈，肉汁香濃 ✦ 特級瀨尿牛筋丸真係會爆肉汁(店舖都貼好晒提示)，牛香濃郁、彈性十足 ✦ 芥末貢丸老闆話用咗好多心機去調較比例，的確食得出芥末香、又唔嗆鼻 ✦ 汕尾手工小米粿好得意、細細粒、靚靚，係汕尾嘅特色，水晶皮由蕃薯粉製成、晶瑩通透、口感煙韌，內餡鮮美 ✦ 自制韭菜餃同樣細細粒，咬落甚為驚喜，韭菜香濃、而且成隻非常好咬口 ✦ 魚腐老闆介紹係皺紗魚腐嚟，帶魚香，而且更吸湯汁 ✦ 咖哩三寶 真係童年嘅味，好香好入味嘅咖哩魚蛋、魷魚、牛柏葉，冇一個香港人唔識 ✦ 秘製黃金雞湯銀針粉老闆介紹嘅黃金雞湯，真係好香口、杰身，唔會太咸、亦唔會口乾，配埋銀針粉，少見有得揀、更少見做得咁爽、完全唔淋 ✦ 葱油淮山麵同樣老闆介紹，好有特色嘅配搭，滑溜、完全唔一pat嘅淮山麵，撈埋葱油食出奇地夾 其實我仲嗌咗好多嘢，而且其他都好好食，只係驚打得太多以為係打手。老實講，真係

第一次試呢間車仔麵，叫外賣送到嚟個湯係用鍚紙飲料袋裝住，好衞生又唔會倒瀉！D餸份量好足料，又新鮮又好味，叫咗淨餸加satay 汁，有小小咸，下次試吓清湯先！整體非常滿意，以後一定支持！係一間有heart 嘅車仔麵，加油加油！

一喜車仔麵位於慶方商場地庫，門口擺放咗精美既懷舊車仔麵檔😆餐廳所提供嘅食物款式豐富，價錢合理親民👍🏻🍴椒鹽豬扒拼魚片頭（$30）豬扒厚切，肉質夠腍、入味😋魚片頭幾爽彈，灑上少少椒鹽已經幾好食~🍴炸韭菜餃（$30）韭菜餃一共有六隻，外皮炸到金黃香脆，韭菜鮮嫩多汁💦配上酸甜嘅泰式辣醬，食落冇咁油膩。🍴紫菜四寶丸（$49）湯底喺黃金雞湯，四寶丸包括：特級瀨尿牛筋丸、汕尾小米粿、汕尾馬駮豬肉丸同魷魚丸，牛筋丸彈牙多汁👄小米粿外皮煙靭，魷魚丸有咬口，食到粒粒魷魚，個人比較鍾意馬駮豬肉丸，外層輕輕炸過，食到豬肉同馬駮魚嘅香味👅🍴厚切叉燒（例牌$39）叉燒肥瘦適中，易咬軟腍，肉味幾香👐🏻🍴炸魚皮魚皮大大塊，炸到金黃色，脆口鹹香🤤🍴自選車仔麵麵底$12，每個餸$12-15不等，最少要叫兩個，基本上最平$36已經叫到一碗車仔麵，喺尖沙咀黎講，價錢親民抵食😝個人比較欣賞豬皮、蘿蔔，索汁入味。牛腩同豬腩肉都唔錯，肉質軟腍，肉味幾突出👍🏻🍴黑芝麻黑豆豆漿（跟餐加$10）豆漿順滑，有淡淡既黑芝麻味，豆味幾香~🍴自家製石斛竹蔗茅根（跟餐加$10）竹蔗茅根清涼滋潤，甜度適中👌🏻食完熱氣嘢剩返支啱晒～