Flames (海濱匯)

營業中

休息中

好耐之前已經嚟過呢間餐廳，但自從冇喺觀塘做嘢之後就好少嚟啦。不過呢間餐廳好適合打卡，又有室內同outdoor坐，啱晒一大班朋友聚會影相啦。首先我哋就叫咗個黑松露薯條，因為仲有朋友未到，咁我哋就叫住啲小食慢慢食等佢。不過估唔到個薯條咁出色，佢係粗薯條嚟嘅，而且薯仔味都好夠，啱啱乍起真係好好食。我認為完全唔需要黑松露醬，佢都好好食。朋友嚟到之後我哋就叫咗呢個煎三文魚，因為朋友最近要健康飲食，咁就揀咗呢個魚類，希望可以多啲蛋白質。估唔到佢嘅魚味好濃，雖然佢嘅調味唔係好重，但係魚嘅新鮮食落好好食。鍾意食健康嘅人一定要試吓。因為怕他肚餓，所以最後都叫咗個pizza，佢係卡邦尼pizza，感覺比較特別。本身我唔係太鍾意食pizza，但係佢呢個配搭有幾新奇，所以我都食咗兩塊。呢間餐廳除咗性價比高之外，環境都好靚，好多話嗰度好適合一大班朋友出去影相。