52C Medium Rare (已結業)

行過見到佢嘅外賣套餐都幾抵食，正值情人節買咗一個套餐返屋企慶祝下👍🏻燒肉四人前餐廳有三款二人套餐同三款四人套餐，今次小編點左: 有下腰西冷、封門柳、牛舌、牛肩、五花腩、豬梅肉同雞肉各100g，另有四粒日本刺身級帶子同蔬菜籃。下腰西冷雪花平均，肉質相對較軟淋；封門柳牛味夠濃，肉質鮮嫩；五花腩肥美厚肉，油脂感滿滿，小編仲自己加咗生菜同泡菜，包住五花腩真心正，雞肉亦都滑嫩，燒嘅時候可以灑上少少胡椒粉同七味粉喲(´▽｀)套餐跟兩款自家製飲品：竹蔗茅根，檸檬薏米。兩款飲落去都唔甜，入口清新，真材實料嘅竹蔗、薏米粒都清晰可見，用嚟解下油膩，降下火的確唔錯。👍🏻日本A5和牛50g $168⁣額外加咗50g嘅日本和牛，每片和牛既油花都好靚，分布均勻，輕輕燒至粉嫩，點上燒肉汁，入口牛脂好重，咬落肉質細嫩！💡外賣餐廳會跟埋燒汁同胡椒鹽，外賣仲跟上雪袋。