影片
更多
2023-12-06
29 瀏覽
又到左壽喜燒嘅季節，今次同老公去銅鑼灣一間壽喜燒專門店試試。未評論食物，先要讚讚服務態度🙌🏻店員好殷勤好有禮貌，我地嘅大廚勇師傅仲要好健談好風趣幽默，食都食得開心啲😆【Supreme Wagyu Set】前菜三點，師傅建議品嚐次序為磯煮鮑魚、鮟鱇魚肝同八爪魚刺身。鮑魚鮮嫩彈牙；鮟鱇魚肝細滑豐腴，入口即化：而八爪魚刺身配上醋麵豉汁好清新。✨海之幸刺身四點帆立貝/赤蝦/拖羅/鰤魚都非常鮮甜，尤其喜愛帆立貝。✨和牛刺身第一款黑魚籽和牛卷，賣相精緻，味道一流🙌🏻另一款係和牛紫菜卷。和牛刺身配上甘甜海膽，裡面加入青蘋果粒，再用紫菜包住食，大愛啊🥹🥹✨三文魚子墨魚汁茶碗蒸茶碗蒸加入墨魚汁好香好滑。裡面嘅墨魚仔同三文魚子增加鮮香感同嚼口。✨巴西牛舌芯爽口非常。配上蔥花、洋蔥、鹽撈勻一齊食，再蘸上柚子酸汁更美味。✨和牛壽喜燒用上日本A5和牛肉眼，以及A4和牛西冷。各有千秋，我就更喜歡油脂更香濃既肉眼，幾乎入口即溶🤤將和牛蘸上日本蛋汁，更覺香滑。配上不同日本蔬菜菇類一齊食，仲可以配白飯，可以減輕膩感。（加埋蛋汁落白飯仲正🤤）✨黑松露和牛炒烏冬烏冬甜甜地又彈牙，加上彩色芝麻，飽都要食！食完壽喜燒飲返碗熱辣
未評論食物，先要讚讚服務態度🙌🏻店員好殷勤好有禮貌，我地嘅大廚勇師傅仲要好健談好風趣幽默，食都食得開心啲😆
【Supreme Wagyu Set】
前菜三點，師傅建議品嚐次序為磯煮鮑魚、鮟鱇魚肝同八爪魚刺身。
鮑魚鮮嫩彈牙；鮟鱇魚肝細滑豐腴，入口即化：而八爪魚刺身配上醋麵豉汁好清新。
✨海之幸刺身四點
帆立貝/赤蝦/拖羅/鰤魚都非常鮮甜，尤其喜愛帆立貝。
✨和牛刺身
第一款黑魚籽和牛卷，賣相精緻，味道一流🙌🏻另一款係和牛紫菜卷。和牛刺身配上甘甜海膽，裡面加入青蘋果粒，再用紫菜包住食，大愛啊🥹🥹
✨三文魚子墨魚汁茶碗蒸
茶碗蒸加入墨魚汁好香好滑。裡面嘅墨魚仔同三文魚子增加鮮香感同嚼口。
✨巴西牛舌芯
爽口非常。配上蔥花、洋蔥、鹽撈勻一齊食，再蘸上柚子酸汁更美味。
✨和牛壽喜燒
用上日本A5和牛肉眼，以及A4和牛西冷。各有千秋，我就更喜歡油脂更香濃既肉眼，幾乎入口即溶🤤將和牛蘸上日本蛋汁，更覺香滑。配上不同日本蔬菜菇類一齊食，仲可以配白飯，可以減輕膩感。（加埋蛋汁落白飯仲正🤤）
✨黑松露和牛炒烏冬
烏冬甜甜地又彈牙，加上彩色芝麻，飽都要食！
食完壽喜燒飲返碗熱辣辣嘅舞茸菇清湯，好舒服☺️
最後食埋開心果雪糕同靜岡蜜瓜，大滿足🙌🏻
張貼
