影片
更多
2020-12-16
237 瀏覽
限聚令準備實施，我都把握時間出街食下美食，星期日放假突然想食下壽司，拿拿臨就約咗朋友去mikiki，因為我印象中嚮兩三年前我食過一間日本餐廳壽司飯係啡色嘅壽司，食過又幾好味，想再試翻。Mikiki就唔難去嘅，好多架巴士都到，我地未夠12點就到咗，餐廳光線充足，坐落又有少少日本feel同都幾舒服。講翻野食，我地叫咗午市套餐一個火炙左口魚飯同一個壽司定食一齊share黎食。正如前文所講，呢度最大特色就係壽司飯係啡色，我特登問過餐廳嘅人點解要咁整，佢話我知原來佢地係用自家調製嘅醬汁去整壽司飯，飯嘅酸度會降低，但係飯會因為多咗淡淡地甜同香嘅味道，搭配壽司，食落會更加和味。先講火炙左口魚飯，我一向都幾中意左口魚，貪佢唔腥同夠魚油香，而火炙就唔洗講更加將呢個特點發揮得淋漓盡致，將左口魚特有嘅魚油燒曬出黎，而且魚油香味夠濃，有輕輕甘甜嘅味道，配埋特製嘅壽司飯真係一流，一啖食落比我嘅感覺係好潤好舒服。呢度比嘅分量都幾足，一舊魚送一啖飯係絕對有突，而且魚本身都切得薄身，令到魚油雖多但唔會整到我覺得好膩，總之就好好食。跟住就講壽司定食，我覺得分量都唔錯，就咁望落去都覺得好靚，令我流曬口水。整體黎講，食材真
Mikiki就唔難去嘅，好多架巴士都到，我地未夠12點就到咗，餐廳光線充足，坐落又有少少日本feel同都幾舒服。
講翻野食，我地叫咗午市套餐一個火炙左口魚飯同一個壽司定食一齊share黎食。正如前文所講，呢度最大特色就係壽司飯係啡色，我特登問過餐廳嘅人點解要咁整，佢話我知原來佢地係用自家調製嘅醬汁去整壽司飯，飯嘅酸度會降低，但係飯會因為多咗淡淡地甜同香嘅味道，搭配壽司，食落會更加和味。
先講火炙左口魚飯，我一向都幾中意左口魚，貪佢唔腥同夠魚油香，而火炙就唔洗講更加將呢個特點發揮得淋漓盡致，將左口魚特有嘅魚油燒曬出黎，而且魚油香味夠濃，有輕輕甘甜嘅味道，配埋特製嘅壽司飯真係一流，一啖食落比我嘅感覺係好潤好舒服。呢度比嘅分量都幾足，一舊魚送一啖飯係絕對有突，而且魚本身都切得薄身，令到魚油雖多但唔會整到我覺得好膩，總之就好好食。
跟住就講壽司定食，我覺得分量都唔錯，就咁望落去都覺得好靚，令我流曬口水。整體黎講，食材真係新鮮嘅，色澤無黯，都食得出鮮甜味，而且店員無講錯，估唔到個特製啡色壽司飯本身嘅味道令成個壽司味道更有層次，同普通嘅壽司比係令有一番風味。當中我印象最深嘅係穴子壽司，比嘅鰻魚好大舊，起碼係壽司飯嘅2倍，唔洗講一啖擺曬落口，就兩個字形容：滿足！
最後我地再清埋餐上嘅蒸蛋同味增湯作結，暖下個食咗唔少生野嘅胃，夠曬舒服。我下次一定都會回頭再幫襯，因為呢間餐廳價格親民，出品正，又有特色，大家都可以黎試下嫁。
張貼
