阿久根和牛立燒店 (已結業)

今日同朋友嚟旺角行街，路過呢間阿久根和牛立燒店，貪得意順便入去食個lunch。入到去見原來有得坐，我地當然即刻揀位坐😂我地分別叫左阿久根和牛涮鍋同極尚和牛定食。牛涮鍋有烏冬、薯粉、菇、豆腐、娃娃菜。另外仲有胸腹肉、A4肉眼、同三角肋肉。我個極尚和牛定食就有A4西冷、A4肉眼、牛舌、沙律、飯同麵豉湯。每個餐都係百幾蚊就食到日本A4和牛，都真係幾抵🤩朋友食牛涮鍋嗰陣話啲蔬菜都幾新鮮，啲冬粉同埋烏冬可以索晒啲湯汁，特別惹味。鋪頭好貼心，寫好晒呀佢哋啲肉要燒幾耐。店員話呢排有優惠，送兩片澳洲和牛牛肋肉。我哋一開始就試咗佢嘅澳洲牛肋肉同後腿肌，一食落就知係靚牛，牛味超濃，油脂分布平均😋A4西冷食落超級林，牛舌爽口彈牙，味道香濃😍我哋照足佢教學嘅時間黎燒個A4肉眼，果然入口即溶🤤前胸腹肉同三角肋肉都夠肥夠香，牛味相對較重。個麵豉湯放咗蜆同海帶入去煲，飲落特別鮮甜。呢度有部份位都係對住牆，返工返學就算自己一個人食都唔尷尬，兩個人食亦可以開心share唔同牛既部位👍🏻