牛匠石燒 (已結業)

依排機票貴唔去得日本住，唯有搵間充滿日本風情嘅餐廳食下止癮🤤餐廳位於旺市尖沙咀金馬倫道，主打石板燒，牛肉提供唔同級數，豐儉由人。而我就分別叫左高級之選：日本A4鹿兒島牛肩肉，性價比之選：厚切特上牛舌combo,單點石燒可以追加稻庭烏冬或者溫泉蛋味素飯，跟埋味噌湯。味素有蝦mo仔加埋蛋汁飯撈勻，餸飯一流😚最驚豔一定係牛肩肉，入口即溶嘅口感，唔洗點醬，牛味香濃就咁擺入口已經超好食😍依度要讚賞下店員，見我地燒得太耐，會主動行過黎提我地和牛唔係燒咁耐，抵讚🤩仲定時定待幫我地換燃料，完全唔洗提佢地牛舌分左厚切同薄切，推介厚切肉質淋啲完全冇根唔韌，好有口感😋生菜包住燒肉，加一兩片蒜片一齊，中和油膩感，不知不覺就食曬啲牛🥰小食方面我地叫左明太子脆豆腐，外脆內軟，係好食嘅，不過就唔係太食得出係明太子。炸墨魚咀香脆可口，配埋嘅芥末醬好夾！推介大家飲牛匠彩虹水果茶，超大杯嚇親😮兩個人share飲都好夠，有好多新鮮切嘅水果，橙、紅柚、藍莓、哈密瓜等等，睇得出店家擺左好多心機預備💕食燒肉最岩飲青檸梳打，一啖燒肉一啖青檸梳打，開胃消滯。