影片
更多
2022-07-07
39 瀏覽
自從係sukiyaki mori食過超好味嘅關西風壽喜燒後，我就愛上左呢款食物❤️但一般黎講要食到好味嘅席前壽喜燒價錢都唔會平。今次就去左呢間壽兵衛試下佢地嘅Dinner set, 最貴嘅Deluxe Wagyu Set每位✨$980,雖然唔係平，但真心超級豐富，我同朋友都食到捧住個肚走🤤餐廳嘅裝修為和式風格，同唔少嘅高級日式餐廳一樣都係開放式廚房，食客可以清楚咁見到師傅如何烹調美食，視覺、味覺同嗅覺同時享受。✨前菜三點落完Order冇幾耐就有精緻嘅前菜三點，分別係雪場蟹鉗、磯煮鮑魚同北海道白栗米，都係比較高級嘅食材🤤我自己就最鍾意個鮑魚，煮得軟腍入味。✨刺身三點三款刺身分別係帶子、馬糞海膽同拖羅。刺身相對黎講令人有少許失望，例如海膽咁，未去到超級鮮甜。不過餐廳始終唔係專食刺身，所以都唔應該以omakase嘅標準去衡量嘅。✨蒸物茶碗蒸又幾比到驚喜我❤️有別於一般嘅茶碗蒸，呢度嘅茶碗蒸一打開係黑色嘅，原來係上面加左一層墨汁，食落墨汁嘅鮮味每蛋香更突出，味道都唔錯。✨海膽和牛他他超級好味嘅他他🤤和牛嘅上層加左海膽、魚子同鵪鶉蛋，下層就加左雪梨令口感更清新。同一般食嘅牛肉他他唔同，呢道他他口感出
餐廳嘅裝修為和式風格，同唔少嘅高級日式餐廳一樣都係開放式廚房，食客可以清楚咁見到師傅如何烹調美食，視覺、味覺同嗅覺同時享受。
✨前菜三點
落完Order冇幾耐就有精緻嘅前菜三點，分別係雪場蟹鉗、磯煮鮑魚同北海道白栗米，都係比較高級嘅食材🤤我自己就最鍾意個鮑魚，煮得軟腍入味。
✨刺身三點
三款刺身分別係帶子、馬糞海膽同拖羅。刺身相對黎講令人有少許失望，例如海膽咁，未去到超級鮮甜。不過餐廳始終唔係專食刺身，所以都唔應該以omakase嘅標準去衡量嘅。
✨蒸物
茶碗蒸又幾比到驚喜我❤️有別於一般嘅茶碗蒸，呢度嘅茶碗蒸一打開係黑色嘅，原來係上面加左一層墨汁，食落墨汁嘅鮮味每蛋香更突出，味道都唔錯。
✨海膽和牛他他
超級好味嘅他他🤤和牛嘅上層加左海膽、魚子同鵪鶉蛋，下層就加左雪梨令口感更清新。同一般食嘅牛肉他他唔同，呢道他他口感出奇地細滑，完全冇食緊生肉嘅感覺。
✨牛料理四品
食完前面咁多道菜，未食到主角壽喜燒之前已經感到半飽🤣但美味嘅壽喜燒又激活左我另一個胃。牛料理四品分別係美國熟成牛、牛舌、日本A4級和牛肉眼及西冷，師傅會根據每款牛唔同嘅口感配合各款野菜去烹調。
首先食左美國熟成牛先，牛肉片包裏住洋蔥去食，味道唔錯。
牛舌嘅食法就好似三文治咁，最底層係洋蔥絲，之後係剛烤好嘅牛舌、淡雪鹽、紅蘿白蓉同青蔥，層次豐富。
和牛肉眼同和牛西冷都非常肥美好食！壽喜燒汁越煮越濃，同和牛嘅牛香相得益彰。和牛肉眼相對較肥美，食落油香感更重，師傅因此建議我地配合少許白飯一齊食。西冷則相對較瘦，但牛香更為濃郁！我自己就更鍾意西冷，感覺冇咁膩🤤
✨滿溢筋子釜飯
食到最後已經非常非常飽，但因為釜飯太好味所以我都係成碗食晒🤣釜飯入面加左支豆、蟹肉同黑松露，都係我鍾意嘅食材。重點係——最後可以按照自己嘅嘅喜好無限加三文魚子！鍾意食魚子嘅我真係心心眼左❤️雖然最後都冇加到太多，因為會好咸，但睇得出餐廳真係非常慷慨。
整體黎講，成個用餐體驗都非常好🥰除左野食好味外，師傅都有好細心咁為我地介紹每道食材同烹調方法，仲會問我地覺得會唔會太咸，非常貼心。
張貼
