影片
更多
2021-10-09
103 瀏覽
難得今日放假緊係要去食好西🤭, 於是就同朋友去左食新開嘅我呀媽家姐, 餐廳裝潢怖置都用左好和諧, 舒服嘅木色同淺灰做主色調, 燈光柔和, 坐吧枱可以望住師傅整野食, 另一邊落地玻璃窗旁亦擺有兩張木製餐枱, 採光度十足, 感覺舒適!🌟田園沙律🥗頭盤先嚟一個沙律, 沙律用上澳洲沙律菜, 配搭自家製凱撒沙律汁, 食落爽脆清新!🌟前菜前菜擺盤精美, 有三款小食, 漬秋葵, 水雲, 同鴨胸, 小妹第1次食漬左嘅秋葵, 咬落去好爽脆, 無左平時食果陣嘅黏黏感覺, 味道酸酸地幾開胃, 水雲係小妹最近幾中意食嘅野, 配搭左酸汁所以食落同樣酸酸地, 口感冰涼爽滑, 好似食冷麵咁, 一聲就吞落去好爽! 鴨胸食落幾香,口感軟嫩!🌟茶碗蒸蒸蛋入口滑溜, 入面有蟹肉, 冬菇, 蝦米同蟹柳, 非常足料!刺身🌟赤貝味道爽脆鮮甜, 口感一流🌟間八上面擺有金鉑同魚子醬, 感覺已好高貴, 食落甘甜有微微油脂香!🌟櫻津口感較結實，薑蓉帶出魚嘅鮮味🌟鰤魚刺身/燒炙(二食)魚味清香, 口感結實, 刺生食落帶微微油脂味, 燒炙過後除左多左一種煙燻味, 同時令油香同脂香更突出🌟鮑魚口感爽彈鮮甜, 配搭海苔飯更顯鮮味🌟黑松露燒帆立
🌟田園沙律🥗
頭盤先嚟一個沙律, 沙律用上澳洲沙律菜, 配搭自家製凱撒沙律汁, 食落爽脆清新!
🌟前菜
前菜擺盤精美, 有三款小食, 漬秋葵, 水雲, 同鴨胸, 小妹第1次食漬左嘅秋葵, 咬落去好爽脆, 無左平時食果陣嘅黏黏感覺, 味道酸酸地幾開胃, 水雲係小妹最近幾中意食嘅野, 配搭左酸汁所以食落同樣酸酸地, 口感冰涼爽滑, 好似食冷麵咁, 一聲就吞落去好爽! 鴨胸食落幾香,口感軟嫩!
🌟茶碗蒸
蒸蛋入口滑溜, 入面有蟹肉, 冬菇, 蝦米同蟹柳, 非常足料!
刺身
🌟赤貝
味道爽脆鮮甜, 口感一流
🌟間八
上面擺有金鉑同魚子醬, 感覺已好高貴, 食落甘甜有微微油脂香!
🌟櫻津
口感較結實，薑蓉帶出魚嘅鮮味
🌟鰤魚刺身/燒炙(二食)
魚味清香, 口感結實, 刺生食落帶微微油脂味, 燒炙過後除左多左一種煙燻味, 同時令油香同脂香更突出
🌟鮑魚
口感爽彈鮮甜, 配搭海苔飯更顯鮮味
🌟黑松露燒帆立貝
帆立貝好厚肉, 輕輕燒過後用海苔包住, 口感柔軟嫩滑, 最有驚喜係師傅係帆立貝上塗左一層黑松露油, 所以食落去更有層次感, 兩者不但無搶左大家嘅味道, 仲互相配合, 提昇雙方嘅味道
🌟火炙銀鱈魚
壽司飯因為用左日本水洗, 所以飯粒會更飽滿唔鬆散, 而且更煙韌! 銀鱈魚含豐富魚油, 輕微火炙過後逼出油脂令口感更香滑細緻, 半熟不生, 同平時食到嘅西京燒感覺唔同, 鮮甜味更突出
🌟關池魚壽司
一般池魚都會有陣腥味, 但關池魚就沒有, 而且入口即化
🌟北寄貝壽司
北寄貝味道甘甜, 肉質肥厚, 口感極佳, 食落帶點檸檬汁🍋嘅味道, 感覺清新
🌟岩鹽吞拿魚拖羅壽司
野生拖羅嘅魚肉因為郁動較多, 肌肉會相對發達, 肉質結實, 油脂十分均勻, 即磨岩鹽嘅咸味唔會搶左吞拿魚嘅魚味, 反而令魚味更鮮
🌟赤蝦壽司🦐
赤蝦大大隻, 味道濃郁清甜, 肉質爽滑, 沾上少許醬油已經好好味
🌟右口魚壽司
同左口魚唔同, 右口魚口感比較清爽, 油脂無咁重所以膩感較少
🌟迷你吞拿魚腩飯🐟🍚
啖啖吞拿魚腩蓉, 魚蓉比飯多, 丼飯份量剛好, 非常滋味!
🌟蜆肉麵豉湯🥣
麵豉湯加入韮黃, 味道更清新有層次, 蜆肉大粒鮮甜無沙!
🌟海鹽雪糕🍦
雪糕口感軟滑, 味道咸咸甜甜, 作為飯後甜品剛好
張貼
