圓山台灣料理 (已結業)

今日同朋友黎食晚飯，本身打算叫二人餐，但原來假期唔供應，只好散叫。餐廳有茶樓feel，又的確有點心叫～不過一場黎到都係想食返台式小菜入座後就會送上小食，蒜味青瓜好開胃！見唔少評語都推介三杯雞，就揀左佢黎一試，上檯時仲係炸炸聲～味道的確唔錯，醬汁濃稠，帶有九層塔嘅香味，食落好香口，雞肉肉質亦算嫩滑。醉雞食得多，醉乳鴿係第一次食，有啖啖酒香之餘, 亦食到乳鴿肉的味道，一人半隻唔夠喉呀哈哈主食叫左台南擔仔麵，麵質彈牙，湯底濃郁，配埋面頭既肉燥，好快就清哂最後叫左份炒蜆，味道濃郁，都好好食，但比較多沙，希望餐廳留意一下。餐廳附送既湯水，芋頭西米露，唔會過甜，幾好食～