影片
更多
2023-06-28
109 瀏覽
呢間響尖沙咀樂道嘅台式火鍋放題，多次經過都心思思，呢晚終於有機會試咗。吃到飽套餐有牛御品同牛殿品選擇，鍾意食海鮮嘅，我哋點咗貴少少嘅牛殿品 ( $589一位），120分鐘任點任食。餐廳地方寬敞，環境舒適，食品選擇亦都好多。湯底有十款選擇，我地清清地點咗柴魚昆布鍋。 餐單入面嘅選擇都有唔少牛部位，當中鹿兒島A4黑毛和牛同澳洲M9和牛肩胛肉質素相當高，入口嫩滑，牛味濃郁。其他牛肉包括美國封門柳、安格斯牛板腱等，質素都非常之好。除咗肉類外，個餐亦包咗個海鮮拼盤，有北海道大元貝、蠔、大蝦，蜆等。海鮮夠哂鮮甜，新鮮好味。仲有兩粒棒球貢丸，非常巨型，入口彈牙。 餐廳用QR code點食物，入面選擇多，包括有各牛豬雞等肉類、台式小食、炸物等。出面嘅自助區亦有多款菜類，餃類、丸類及小食選擇。 飲品包括多種自家制茶飲，感覺健康。甜品除咗Haagen dazs雪糕，仲有個台式甜品自助區，可以自選紅豆、涼粉、芋圓、寒天、愛玉、薏米等，再加黑糖，花奶食，味道好正。 呢個價錢包咗高質和牛之餘，仲有多款海鮮，環境寬敞，兩小時可以慢慢食、慢慢嘆，值得推介。
呢間響尖沙咀樂道嘅台式火鍋放題，多次經過都心思思，呢晚終於有機會試咗。吃到飽套餐有牛御品同牛殿品選擇，鍾意食海鮮嘅，我哋點咗貴少少嘅牛殿品 ( $589一位），120分鐘任點任食。
餐廳地方寬敞，環境舒適，食品選擇亦都好多。湯底有十款選擇，我地清清地點咗柴魚昆布鍋。
餐單入面嘅選擇都有唔少牛部位，當中鹿兒島A4黑毛和牛同澳洲M9和牛肩胛肉質素相當高，入口嫩滑，牛味濃郁。其他牛肉包括美國封門柳、安格斯牛板腱等，質素都非常之好。
除咗肉類外，個餐亦包咗個海鮮拼盤，有北海道大元貝、蠔、大蝦，蜆等。海鮮夠哂鮮甜，新鮮好味。
仲有兩粒棒球貢丸，非常巨型，入口彈牙。
餐廳用QR code點食物，入面選擇多，包括有各牛豬雞等肉類、台式小食、炸物等。出面嘅自助區亦有多款菜類，餃類、丸類及小食選擇。
飲品包括多種自家制茶飲，感覺健康。甜品除咗Haagen dazs雪糕，仲有個台式甜品自助區，可以自選紅豆、涼粉、芋圓、寒天、愛玉、薏米等，再加黑糖，花奶食，味道好正。
呢個價錢包咗高質和牛之餘，仲有多款
海鮮，環境寬敞，兩小時可以慢慢食、慢慢嘆，值得推介。
張貼
