影片
更多
2022-10-29
529 瀏覽
打邊爐一直都係香港人至愛， 尤其是入秋之後， 大家實會約返班親朋戚友打番場邊爐😎 仲記得幾年前， 深圳興起潮汕牛肉火鍋， 好多港人都專登去嚐鮮。今日有機會試到喺將軍澳明德廣場嘅616牛肉火鍋專門店， 佢哋出名提供唔同部位嘅靚牛肉， 而且仲會有一啲熟成嘅選擇， 加上有自己特製嘅醬汁，仲有自己品牌嘅啤酒， 配合港式風味，我覺得有過之而無不及🫶🏻👍🌟沙爹/牛骨湯 鴛鴦鍋鍋底選擇咗鴛鴦，係沙爹同埋牛骨湯， 沙嗲湯底非常出色， 夠香夠濃， 牛骨湯底有啲似清湯腩嘅湯底 ，用嚟灼牛肉原汁原味👍🌟77折必食牛肉組 $164呢個價錢已經包咗以下4款牛肉，新鮮又份量十足😍🌟澳洲五花趾牛嘅腳趾肉，脂肪比例較少， 肉味夠， 我覺得配港式調味醬食最夾。🫶🏻🌟安格斯橫膈肌脂肪比例多啲，有咬口， 安格斯通常都食到一梳梳肉， 配任何湯底或醬汁一樣好好味😋🌟匙柄一隻牛隻有2條「匙柄」，切片後中間會有一條明顯的肉筋紋路，像鑰匙柄一樣，入口十分脆爽又夠油脂，配埋616嘅特製牛肉汁加幾滴柚子汁， 好好味呀🫶🏻🌟牛駝峰脂肪比例最高但係屬於脆口，口感層次豐富，呢種質感配沙嗲湯底真係一絕😋另外都叫左其他嘢食嘢飲，包括 叫咗一支烏梅
打邊爐一直都係香港人至愛， 尤其是入秋之後， 大家實會約返班親朋戚友打番場邊爐😎 仲記得幾年前， 深圳興起潮汕牛肉火鍋， 好多港人都專登去嚐鮮。今日有機會試到喺將軍澳明德廣場嘅616牛肉火鍋專門店， 佢哋出名提供唔同部位嘅靚牛肉， 而且仲會有一啲熟成嘅選擇， 加上有自己特製嘅醬汁，仲有自己品牌嘅啤酒， 配合港式風味，我覺得有過之而無不及🫶🏻👍
🌟沙爹/牛骨湯 鴛鴦鍋
鍋底選擇咗鴛鴦，係沙爹同埋牛骨湯， 沙嗲湯底非常出色， 夠香夠濃， 牛骨湯底有啲似清湯腩嘅湯底 ，用嚟灼牛肉原汁原味👍
🌟77折必食牛肉組 $164
呢個價錢已經包咗以下4款牛肉，新鮮又份量十足😍
🌟澳洲五花趾
牛嘅腳趾肉，脂肪比例較少， 肉味夠， 我覺得配港式調味醬食最夾。🫶🏻
🌟安格斯橫膈肌
脂肪比例多啲，有咬口， 安格斯通常都食到一梳梳肉， 配任何湯底或醬汁一樣好好味😋
🌟匙柄
一隻牛隻有2條「匙柄」，切片後中間會有一條明顯的肉筋紋路，像鑰匙柄一樣，入口十分脆爽又夠油脂，配埋616嘅特製牛肉汁加幾滴柚子汁， 好好味呀🫶🏻
🌟牛駝峰
脂肪比例最高但係屬於脆口，口感層次豐富，呢種質感配沙嗲湯底真係一絕😋
另外都叫左其他嘢食嘢飲，包括 叫咗一支烏梅汁同埋佢哋品牌嘅616原漿手工啤酒。兩支都好好飲，手工啤都唔錯有花香味。 食物方面當然有追加啦。
🌟熟成加拿大牛肩脊
竟然熟成牛都有😍 熟成後，肉纖維分解咗，自然好淋好嫩， 打邊爐用熟成牛真係第一次見， 效果原來咁好😍
🌟雙拼牛肉餃
分別係牛肉餃，同埋麻辣牛肉餃， 因為我鍾意食辣，所以我鍾意後者。 兩隻餃嘅肉餡都好好味👍
🌟蜂巢豆腐，皇帝菜
配料都好新鮮， 蜂巢豆腐索曬沙爹汁， 真係好惹味。
🌟鮮製手打烏冬
唔知大家有冇呢個習慣，就係食公仔麵或者烏冬同埋尾呢， 今次揀咗佢嘅手打烏冬擺落去沙嗲汁湯底， 由於沙嗲湯底已經濃縮咗，仲有好多牛肉的鮮味， 此美味畫上最完美嘅句號🥰
616有好多分店㗎， 如果鍾意食牛肉嘅朋友，真係冇理由錯過， 其實我今日食咗五款牛都係冰山一角咋， 點樣可以食得曬咁多款呢？ 就係約多啲人一齊食囉 ！真心推薦畀大家呀🫶🏻
張貼
