616牛肉火鍋專門店 (明德商場)

營業中

休息中

話說下晝見到有八折，諗住去試吓，點咗個牛骨湯完全係冇味，之後點咗幾款牛肉，亦都係完全冇牛味，唯一讚嘅就係個牛筋丸，反而係幾香，但一間主打賣牛肉的舖頭，無諗過牛肉同湯底都咁差，以前都有食過616，真係同以前差太遠啦，雖然一款牛大概係$50價錢真係唔貴，但所有牛嘅產品完全冇嘔味真係接受唔到飯、出前一丁$13個合理，但稻庭烏冬$31 1個，真係太無性價比，有8折都$380，好似食空氣咁，唔會再試，唔怪得個個翻哂大陸打邊爐😡

第三次黎晚市火鍋，叫左個467套餐，冷盤涼伴雲耳等咗好耐都冇嚟。問呀姐係咪賣晒？呀姐頭也不回直接背住個客講。雲耳係賣晒，自己睇手機。O咗嘴，問佢會補返啲咩，其實是但一碟魚皮都可以。直接零回覆🤔🤔🤔

午餐估唔到唔只得打邊爐可以嗌牛腩飯等其他嘢食價錢都只係五十幾蚊如果想打邊罏有一百幾蚊嘅二人餐午市真係抵食好多晚市就多啲牛嘅款式可以揀一啲特別啲嘅例如吊龍 匙柄都可以試吓

中午唔知食嘢, 記得616有平價午餐, 就行過去試下, 叫咗香草燒春雞飯, 心諗都是普通碟頭飯, 見咁平都無咩要求, 點知半隻燒春雞份量好大, 肉質嫩滑唔柴, 幾好味, 只是汁醬太多, 有D咸, 以咁嘅價錢真係抵食 環境 : 舒服乾淨 服務 : 職員有禮貌 費用 : $43 (無服務費)

呢間主打唔同部位既牛都係幾廿蚊一碟，而且份量都正常唔係話得幾片咁少，所以我每次都中意一次過叫唔同部位食價錢都唔貴👍🏻而且佢既豉油都幾香又唔會好鹹，有多種特別醬汁可以揀😍特別推薦秘製牛肉汁，有種好香酒香味甜甜地，用黎蘸各種牛肉都好夾🥰裝修設計好特別，好有傳統中國風味今次特登揀左二人火鍋套餐，平時都係叫開散叫難得見佢今次有套餐所以就叫左，轉鴛鴦鍋都只係加$20，今次我就轉左鴛鴦鍋同埋額外叫左碟胸口膀同鴨血😋♦️鴛鴦青花椒牛骨鍋：牛骨湯底好香而且唔臊，蘿白索晒啲湯好清甜好食，湯底有4-5件牛腩，牛腩好淋而且好香油脂味👍🏻青花椒湯底都唔會好辣或者嗆口，用黎淥牛肉配搭一流🤗但建議菜都係放番係牛骨湯淥好啲♦️匙柄（淥6秒）：初頭食幾舊有少少硬，後尾大舊少少果啲反而淋身啲♦️橫膈肌（淥6秒）：比匙柄淋少少，牛味會重身少少，油脂分布都算平均♦️五花趾（淥6秒）：都算彈牙但係有少少偏韌，係呢幾款肉類中肉質較硬♦️和牛赤身：油脂分布都平均，有少少入口即溶感覺，推薦👍🏻♦️芝士腸：有啲驚喜皮夠薄，芝士餡份量岩岩好♦️娃娃菜：好清甜，用牛骨湯淥好正😋♦️手打牛筋丸：唔會好痴牙，好爽口一咬落去有好多牛肉汁流出黎😋♦️胸口膀：極度

我鍾意打邊爐食下牛嘅特別部位😬「616牛肉火鍋專門店」就啱晒我😝.鴛鴦酸菜牛骨湯🍲酸菜湯底酸爽微辣🥬🌶️牛骨湯清得嚟又有牛肉香🥕🌿.特選和牛盛🐄有信州和牛肩胛、信州和牛腹肉🐮信州和牛赤身、澳洲五花趾🐂牛肩胛較精瘦，肉質嫩滑🤤牛腹肉同赤身嘅脂肪比較多😍肉味濃厚👍🏻五花趾彈牙😗.肩貝(4隻)🐚大隻鮮甜😋.肩胛翼板🥩油花頗多，帶少少細筋😉肉味較濃，有口感😆.鮮製手打烏冬(2個)🍜幼身掛汁，吸收晒湯汁😛.菊花桂圓露(2支)🌼清甜降火☺️

疫情後將軍澳區冇嘢食， 一直都來這裡食牛打爐， 有辣有唔辣， 湯底推介兩款： 唔辣有牛腩湯底， 辣就食青椒湯底， 這兩款湯底 出面比較少有。 牛質素keep著水準，有不同各部位任君選擇， 我個人比較喜歡食牛匙柄。 這裏已成為我坑口區的 canteen ，無限時，招呼好。

週末中午去到明德商場，順便睇吓有冇餐廳醫肚。見到616有午市優惠套餐，$38就有扒飯，抱住試伏嘅心態嚟試吓。$38嘅午市飯有雙重豬扒飯、牛扒飯或者雞扒飯。我哋兩位都選擇咗牛扒飯，一份配黑椒汁，另一份配蒜蓉汁。等咗一陣就上菜，咁個牛扒都係新鮮煎起嘅，見到個份量同埋牛扒嘅賣相相當驚喜，喜出望外。牛扒仲大過手掌，色澤都煎得唔錯。依個價錢可以比到呢個份量同味道，非常良心價，男士相信都會食得飽。醬汁嘅調味都正常，平民飯堂首選。依度空間寬敞，因為係火鍋店，所以餐枱嘅空間十分足夠亦都坐得舒服。

一個人午餐🥣打算吃火鍋，但沒想有啱我吃的湯底😅⋯⋯但見午市套餐有很多選擇，決定轉吃套餐：豉椒排骨飯，飯餸熱騰騰👍🏻兼有跟餐飲品🥤，都只係$48。其實午餐有很多選擇，價錢由$38-$48，真的抵食。

{616打邊爐 - $570}肉食大王過聖誕，有啲乜嘢玩？梗係麻甩打邊爐啦！616夜繽紛做緊8:30後所有正價食品八折！$48仲有一碟和牛！感覺好似好抵！餐牌多咗啲蒸牛肉球點心嗰啲，不過唔知係嗰日冇貨定係咩，我見唔到我最鍾意食嘅麻辣牛肉餃，同埋手打牛肉滑！有啲失望！整體嚟講對於肉色大王嚟講，616對於食肉獸同埋麻甩打邊爐嚟講，食物質素仍然係理想嘅，不過性價比真係唔夠其他高，同樣嘅價錢其實可以食到更加正樣嘅嘢！美味程度：😋😋😋😋環境指數：🎇🎇🎇番食機會：🦍🦍📍 #616牛肉火鍋專門店 (明德商場) (將軍澳)將軍澳坑口培成里10號明德商場1樓105-106號舖

第一次嚟呢間店食火鍋，坐低店員問我哋需唔需要預留一碟日本精選和牛，話做特價$48/碟，我問係咪好嘢嚟，佢話梗係，就信佢要咗一碟啦！碟和牛嚟到睇個樣都感覺唔靚，算啦！就試吓佢，點知淥完真係好鞋好韌，超差，其他匙柄都係一般，滑尾龍算好啲！佢連張單都打明我哋係walkin生客，畀啲咁嘅質素牛肉我哋食，係咪真係預咗我哋只係嚟一次冇第二次嘅呢？或者佢已夠晒多熟客捧場，唔使再招呼生客呢？🤔

將軍澳區唔使等位又好食，平時多數星期六，日中午後來食下午茶😅今次晚上收工唔想煮，去坑口站附近616。牛魔王就最啱來哩到，不同牛部位。湯底有辣有唔辣，仲有牛腩湯底可以揀。而家加左少許飲茶點心，但我個人比較專心，一心來食牛🤣🤣🤣🤣

經開將軍澳突然間想食火鍋就見到呢間616牛肉火鍋店，去到唔使等位，就可以入座👍🏻環境還可以，地方整潔，同埋見到餐牌好多款牛嘅部位都有得俾你選擇，餐牌所有嘢都係單點，用二維碼落單，我就會選擇左鴛鴦鍋，同埋有個窩蛋牛肉非常正，試完之後都忍唔住嗌多左幾碟😂呢間既牛賣相都唔錯，試左幾款牛肉都好食夠新鮮🤤而且仲有好多牛肉拼盤都好正，牛肉都有好多配搭而且又唔係貴，都幾抵食，配菜都有好多選擇，有機會都會想再黎試下😄

今晚過左黎將軍澳呢邊探朋友，晚飯問佢食咩好，佢話梗係落樓下食616打番個邊爐先，真係好羨慕佢屋企樓下就有好野食，行都唔洗行，如果係我應該個個禮拜都會食😂叫左我最中意既牛雜湯底，呢個湯底既料真係誇張地多，食到尾都未食得哂，仲要好食又入味，一定首選揀呢個湯底。食616最開心既地方就係可以叫到成枱都係野食，可以試好多款唔同既牛，價錢仲要勁抵。最中意一定係信州和牛赤身，因為入口即溶又有牛味既感覺實在太好，真係必叫。花雕醉牛又係另一個必叫選擇，加左花雕味既牛肉真係出色，就算淥熟左都仲keep到個酒味。滑尾龍加左蛋撈埋一齊食口感就更加滑更有蛋味。牛朴肉都係一個唔錯既選擇，牛味重份量都多。麻辣牛肉餃既辣味又幾正幾惹味。手打牛筋丸彈牙肉又夠厚實。最後梗係要加埋個烏冬吸哂d精華就完美喇。

-🍴🍽🍴🍽🍴🍽 🍲🍲🍲🍲🍲🍴🍽🍴🍽🍴🍽-616嘅回頭率真係好高！616近年愈開愈多分店，總有一間係左近🤣。佢嘅定價比好多其他港式火鍋低，但用料都好靚，食材又新鮮😆。🥢鴛鴦青花椒牛骨湯 $82 🆙湯底揀咗鴛鴦青花椒牛骨湯，一邊係有少少麻辣嘅青花椒湯底，一邊係清甜嘅牛骨湯湯底。兩邊嘅湯底各有特色，個人比較鍾意用牛骨清湯淥牛肉片，牛味更加出🤣。🥢信州和牛赤身 $78 🆙上次食咗信州和牛肩胛，今次就揀咗赤身試下。赤身偏紅，牛味突出，油脂較少，適合鍾意食瘦肉嘅朋友😋。信州和牛係由616係長野直接攞番到港，試左兩次單點信州和牛，下次決定直接嗌拼盤，咁就可以試埋個牛腹肉🙈。🥢雙拼牛肉餃 $50 🆙雙拼牛肉餃都係極力推薦！兩款餃分別係麻辣同原味嘅牛肉餃。麻辣好惹味，一咬落去辣油就滲出黎。個人比較鍾意原味，佢嘅牛肉味更加出。🥢手打墨魚滑 $50 🆙手打墨魚滑都係必試，份量多又彈牙👍🏻。🥢封門柳 $68 🆗🥢皇帝菜 $28 🆙🥢萵筍 $28 🆗🥢響鈴 $28 🆗🥢稻庭烏冬 $30 🆙🥢公仔麵 $12 🆗🥢菊花桂圓露 $16 🆙🥢朝日啤酒 $32 🆗🥸評價 𝗥𝗮𝘁𝗶𝗻𝗴𝘀🥸食物 𝗙𝗼𝗼𝗱 7.5/10環境