帕維亞意大利餐廳

營業中

休息中

早排去咗宋王臺嘅「Pavia帕維亞意大利餐廳」食Dinner，依度係一間行溫馨風格嘅小店，Staff好Nice，而依度嘅菜式有D係坊間比較少見嘅，所以今次都Order咗Chef Recommendations嘅燒西班牙紅毛豬骨。*此餐廳收取加一服務費。燒西班牙紅毛豬骨（單點$328），表面鋪滿香草，豬皮部份口感香脆，皮肉之間嘅脂肪部份食落入口即化，瘦肉部份食落好Juicy，味道鹹香，配以特製黑醋醬食用，味道酸甜，不過個人覺得食佢嘅原汁原味比較好味，因為黑醋醬偏甜，薯蓉口感幼滑，配菜包括有秋葵。軟殼蟹木瓜雜菜沙律（單點$178），軟殼蟹好大隻，口感酥脆，內有大量蟹膏，味道鹹鮮，木瓜味道清甜，沙律菜包括有羽衣甘藍、紅毛生菜、生菜、苦菊、青瓜、車厘茄，配以黑醋汁食用，味道清爽。奶茶（單點$38），口感幼滑，茶味濃香。