304
9
4
電話號碼
23828736
營業時間
今日營業
12:00 - 23:00
星期一至五
12:00 - 15:00
18:00 - 23:00
星期六至日
12:00 - 23:00
付款方式
Visa Master AlipayHK 支付寶 現金 AE
座位數目
32
其他資料
酒精飲品
加一服務費
當面支付
食評 (330)
等級4 2019-07-26
519 瀏覽
約了朋友行九龍城,自從機場搬了之後人流少好多, 況且又是平日更覺清靜。 雖然差不多是泰菜天下, 意外地見到一間意大利餐廳,轉下口味去試中等價錢,唔算太貴舊式樓底高,可以掛到一大盞歐式古堡吊燈長方形面積唔算大,只可容納大約20人每張枱都有兩個別緻雞蛋裝了調味鹽和胡椒粉 餐包先上天氣太熱,叫了個白酒煮新鮮紐西蘭青口隻隻都係大 size, 肉味鮮甜,肉質彈牙,非常新鮮配了香葉和白酒,口感清新舒服老板更教曉了我們分別雌和雄,白色肉是雄,燈色肉是雌👍👍海鮮闊條麵除了有大隻青口,餸料還有魷魚、蝦和魚, 闊條麵粗身,口感更實在, 蕃茄醬汁開胃,炎夏食最啱tiramisu香滑溜口, 蛋白味濃,main point 係唔太甜,值得推介熱檸茶邊飲邊享受這寧靜環境, 樂事也😍😍 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-20
957 瀏覽
老公今晚帶我去九龍城食意大利菜,係佢朋友推介話值得一試。餐廳地方優雅,燈光柔和,有歐洲餐廳feel,好啱靜靜地傾吓計😉🔸麵包籃🥙裏面有兩款麵包,蒜蓉包🥖熱辣辣,烤得鬆脆,蒜蓉味香濃,芝麻包也值得一讚👍🏻🔸蕃茄水牛芝士沙律$128🍅🥗前菜點咗呢個,食材雖是簡單但味道出色👍🏻蕃茄鮮甜又大塊,水牛芝士份量絶不吝嗇😉加點橄欖油及黑醋,簡直絶配👍🏻🔸南瓜蟹肉忌廉湯$58看似普通嘅南瓜湯,有香濃嘅南瓜🎃味,湯內仲有一點點嘅蟹肉,絶不簡單😘🔸那不勒斯海鮮湯$68一啖飲落去,極濃嘅蝦味非常突出😋,海鮮有蝦,帶子,魷魚圈,青口。隻青口好大隻,唔係急凍嗰種,係新鮮呀,唔怪得咁鮮嫩,一d都唔嘞㖿👏🏻👏🏻🔸意式風味薄餅 (細) $138呢個pizza用咗大大塊嘅巴馬火腿,再加埋水牛芝士🧀,番茄🍅,火箭菜,馬蘇里芝士🧀,餡料多又香脆,平時不大好食火箭菜嘅我都食到唔停口👅🔸燒法國春雞$188🐔餐牌上寫明需時大約20分鐘,原來係落咗單先即刻🔥,所以需要等!燒雞上枱陣陣嘅香味已散發出嚟,🐔皮微脆,肉嫩滑,一d都唔乾身,正😍九龍城原來都有咁高質數嘅意大利菜食,下次我要帶閨蜜再來🤣 繼續閱讀
(以上食評乃用戶個人意見 , 並不代表OpenRice之觀點。)
朋友起附近返工,介紹我食呢間平日佢既lunch飯堂!咁星期一夜晚就去食dinner,kick away Monday BLUE!餐廳環境都幾舒服,環境寧靜舒適,又唔會覺得好迫~老闆娘好好人!仔細同我地介紹有咩招牌菜~咁我地都跟住推介黎嗌!-我地2個人,叫左一個4-course set dinner ($418)同埋另外叫左一個意大利雲吞同埋意粉share黎食~燒大蝦沙律餐包籃分別有蒜蓉包和芝麻餐包。焗過既麵包好香脆! 周打魚湯,真係食到一粒粒既魚!-黑松露菌忌廉汁意大利帶子牛肝菌雲吞$178老闆娘特別推薦的一道菜,忌廉汁偏薄身,食落唔會太膩。雲吞入面的餡好多,有原粒帶子同埋牛肝菌,好香好好食!-清炒蒜片辣椒意粉$118同樣都係老闆娘介紹,唔好睇佢好似冇咩材料,最簡單既菜先突顯到大廚的功架!意粉軟硬適中,煮到al dente,麵質彈牙有咬口,蒜片、辣椒夠哂惹味,有少少辣味,又唔會炒到好油!估佢唔到咁好食~ -燒美國頂級西冷大約煮到七成熟,切開中間的肉呈粉紅色,肉質嫩而不鞋又多汁。仲附上海鹽同黑椒汁可以調味,但係我覺得唔需要加調味都已經好好食~食到牛扒的真正味道!配菜既薯蓉係我食過既餐廳之中最好食的薯蓉!老闆娘話自家製薯蓉係用新鮮薯仔做,好幼滑好香!-最後食埋甜品opera蛋糕,好滿足的一餐!值得回頭的餐廳~人均$400食到咁高質既意大利菜好抵食!值得一讚係餐廳的服務!每食完一道菜,waitress都會幫我地換碟,同埋都會keep住幫我地加水~-估唔到九龍城除左泰國菜出名之外,呢間意大利餐廳都好出色! 繼續閱讀
(以上食評乃用戶個人意見 , 並不代表OpenRice之觀點。)
九龍城西餐店都唔少,今日去咗間環境好好幾高級嘅餐廳!帶屋企人食餐好😜法國龍蝦忌廉汁意大利飯 登登...我最期待既龍蝦,原隻龍蝦分開一半,龍蝦肉彈牙肥美。仲有意大利飯,意大利飯唔會煮得太硬,好creamy 之餘,仲帶點龍蝦既鮮味,yummy yummy!白酒煮新鮮紐西蘭青口啲青口放得整整齊齊,睇得出都花過心思去放。青口超級肥美、多汁,完美呈現濃濃既白酒同青口鮮甜既味道。忍唔住連汁都飲埋!😍😍😍😍 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-23
109 瀏覽
今日到九龍城探朋友,之後佢話帶我去食好嘢,原來係同我去食意大利菜。餐廳位於打鼓嶺道,面積不是很大,但裝修很有歐陸色彩,估唔到喺九龍城這個充滿泰式餐廳的地區有一間咁地道嘅意大利餐廳,真令我這區外人眼前一亮。餐廳裝飾都有佻皮的一面。餐廳提供嘅食物非常地道,除pizza外,還有特色嘅意大利菜式。剛坐下,侍應就送上一籃麵包,有芝麻包和蒜蓉包,麵包熱辣辣,入口鬆軟有麵粉香,夾牛油吃茄汁海鮮闊條麵材料好多,有青口、魚、大蝦、魷魚…… 等。闊條麵好彈牙,吸滿海鮮嘅鮮味,加上惹味茄汁,我忍唔住食咗好多。燒西班牙紅毛豬骨話係豬骨啫,其實都有好多肉,少少肥,但因為燒過,所以肥膏唔多,紅毛猪比較少有,肉質彈牙,要讚嘅仲有佢嘅薯角,真係做得非常之唔錯,香得嚟少少脆,食完飯,飲番杯香濃咖啡慢慢歎,傾下偈,好治癒。 繼續閱讀
(以上食評乃用戶個人意見 , 並不代表OpenRice之觀點。)