Pizza Max Bistro

營業中

休息中

今晚就去咗佐敦嘅Pizza Max Bistro度食晚餐。呢度係一間印度意式餐廳，店內裝修都幾特色，感覺舒服。卡邦尼意粉：份量豐富嘅意大利粉，每條都掛住香濃嘅醬汁，配合培根嘅鹹香，再夾雜黑胡椒嘅惹味，入口順滑，Yummy！燒豬仔骨配香辣薯角：豬仔骨一叉即入，肉質嫩滑又有彈性，配合燒烤醬汁配合，提升咗肉骨嘅鮮香，入口融化，滋味非常。沙律生菜，車厘茄，青瓜，配上沙律汁食，清爽可口，平衡咗豬仔骨嘅油膩感。薯角金黃香脆，配茄醬食，一口接一口，口感非常好，令人滿足！雲呢拿奶昔：入口順滑，雲呢拿嘅甜香徘徊喺口中，令美味嘅一餐再加分！