影片
更多
2023-07-27
32 瀏覽
長沙灣平時相對少啲入嚟搵嘢食，都係一啲街坊餐廳多，今次黎到呢間隱世抵食嘅鐵板燒，人均$500唔洗就嘆到個高質鐵板燒廚師發辦，性價比超高！餐廳店面裝修好日系，主要都係木系為主，有吧枱同雙人座位，坐吧枱可以望住廚師喺鐵板上面煮嘢食，視覺效果唔錯！今次安排咗錯雙人座位，佢張枱彎彎哋有弧度，要小心啲放嘢食～🤣啲菜式會跟住個Menu逐道上，食材用料高質，主要以海鮮菜式為主，全部都啱啱煮好上枱，食落去夠晒新鮮夠香，成個體驗都唔錯～------------------------------🍳◖鐵板龍蝦餐◗ $948呢個係二人套餐，包咗刺身同埋鐵板燒，好似廚師發辦咁，會睇住客人適當邊道菜再去煮，慢慢咁樣上菜，確保食物嘅溫度同水準～🥗◖沙律◗ 幾鍾意佢個油醋，撈落啲蕃茄同埋椰菜上面，好開胃！🍣◖是日精選刺身◗ 今日嘅刺身分別有：凹貝、愛女、金鯛、油甘魚，店員會介紹下，可以由淡味食到濃味～凹貝口感好爽脆，類似大隻版嘅馬刀貝，帶有少少柚子嘅香味；愛女有啲似薄切鯛魚，口感有啲韌勁；金鯛魚皮經過火炙，有啲焦香味，口感幾軟糯；油甘魚切得好厚，食落有啲酸味，肉質好彈牙有淡淡嘅甜味～🦞◖活龍蝦◗ 龍蝦真係不得了，大
啲菜式會跟住個Menu逐道上，食材用料高質，主要以海鮮菜式為主，全部都啱啱煮好上枱，食落去夠晒新鮮夠香，成個體驗都唔錯～
------------------------------
🍳◖鐵板龍蝦餐◗ $948
呢個係二人套餐，包咗刺身同埋鐵板燒，好似廚師發辦咁，會睇住客人適當邊道菜再去煮，慢慢咁樣上菜，確保食物嘅溫度同水準～
🥗◖沙律◗
幾鍾意佢個油醋，撈落啲蕃茄同埋椰菜上面，好開胃！
🍣◖是日精選刺身◗
今日嘅刺身分別有：凹貝、愛女、金鯛、油甘魚，店員會介紹下，可以由淡味食到濃味～凹貝口感好爽脆，類似大隻版嘅馬刀貝，帶有少少柚子嘅香味；愛女有啲似薄切鯛魚，口感有啲韌勁；金鯛魚皮經過火炙，有啲焦香味，口感幾軟糯；油甘魚切得好厚，食落有啲酸味，肉質好彈牙有淡淡嘅甜味～
🦞◖活龍蝦◗
龍蝦真係不得了，大大隻龍蝦拆肉切塊啖啖肉，煎完好有鑊氣，龍蝦肉彈牙得嚟好軟綿，醬油味入晒去，醬香味好濃，龍蝦頭仲有少少膏，真係必試！
🐟◖比目魚◗
比目魚煎得幾好，放咗一陣外皮都仲係好脆，油脂充足肉質嫩滑，濃郁嘅魚油香！拎咗佢黎點埋啲龍蝦汁一齊食，又有另一番風味～
🐂◖牛肉薄燒◗
牛肉薄片包住滿滿嘅蔥花，牛味香濃，有少少壽喜燒嘅味道，味道會偏甜，脂肪分布平均，唔會太肥，一啖食晒超滿足！
🥬◖野菜◗
用咗椰菜去炒，炒到好淋吸晒味，味道幾清甜！
🍚◖炒飯◗
炒飯粒粒分明，顏色呈金黃色好均勻，加咗櫻花蝦同雞蛋增添風味，用鐵板炒出嚟嘅飯好有鑊氣～
🫕◖味噌湯◗
海帶豆腐味噌湯，味道正正常常～
🌟Encore指數：9.3/10
張貼
