影片
更多
2017-02-12
3555 瀏覽
今日同大食友人去打邊爐, 聽朋友講呢間台式邊爐質素高, 所以黎試下, 餐廳環境好新正企理, 完全無好多油煙既感覺, 睇番menu, $268一位, 包前菜, 一個鍋, 一份肉, 一個特選火鍋拼盤, 響鈴同炸魚皮, 仲有無限追加配料同飲品, 睇落已經好豐富~點完野食店員就送上9種香料比你慢慢溝.前菜係木耳同手撕雞, 可以無限encore~我地揀左三杯雞涮涮鍋, 鍋入面已經好多料, 有好多雞件, 仲有菜, 豆卜同丸等, 三杯雞味道好濃郁, 帶小小麻辣, 幾正~肉類揀左安格斯牛頸脊, wa, 好大份, 而且望落d牛都好令, 食落更加係充滿牛味, 好味!而特選火鍋拼盤既配料好特別, 有黑松露豚肉餃, 黑松露蟹肉餃, 芝士蝦丸,墨汁鳥結糖, 太極冬菇等, 呢d款式都係平時好小見, 好喜歡2款黑松露餃, 黑松露味好濃好好食, 其他丸都好彈牙, 最特別就係墨汁鳥結糖, 其實姐係墨汁丸, 好有趣~另外加左$30要海鮮拼盤, 有美國桶蠔, 馬刀貝, 大蝦同花甲, 海鮮好新鮮, 桶蠔又大隻, 其實都值得加~之後仲有響鈴同炸魚皮, 響鈴好大件, 吸哂湯底既精華勁正!其實食完套餐包既野都好多好飽, 不過大食友
點完野食店員就送上9種香料比你慢慢溝.
前菜係木耳同手撕雞, 可以無限encore~
我地揀左三杯雞涮涮鍋, 鍋入面已經好多料, 有好多雞件, 仲有菜, 豆卜同丸等, 三杯雞味道好濃郁, 帶小小麻辣, 幾正~
肉類揀左安格斯牛頸脊, wa, 好大份, 而且望落d牛都好令, 食落更加係充滿牛味, 好味!
而特選火鍋拼盤既配料好特別, 有黑松露豚肉餃, 黑松露蟹肉餃, 芝士蝦丸,墨汁鳥結糖, 太極冬菇等, 呢d款式都係平時好小見, 好喜歡2款黑松露餃, 黑松露味好濃好好食, 其他丸都好彈牙, 最特別就係墨汁鳥結糖, 其實姐係墨汁丸, 好有趣~
另外加左$30要海鮮拼盤, 有美國桶蠔, 馬刀貝, 大蝦同花甲, 海鮮好新鮮, 桶蠔又大隻, 其實都值得加~
之後仲有響鈴同炸魚皮, 響鈴好大件, 吸哂湯底既精華勁正!
其實食完套餐包既野都好多好飽, 不過大食友人都仲食得落, 就加左脆鯇同菜, 脆鯇厚身啖啖肉而菜都幾新鮮既~
野飲方面好有驚喜, 杯杯都係好令既台式飲品, 特別係水果茶好好飲, encore左2杯, 任飲都咁高質值得一讚
最後仲有甜品, 係奶茶木糠布丁, 奶茶味重, 布丁質感好滑~
整體呢間半任食邊爐質素頗高, 雖然價錢比其他任食邊爐貴, 但係物有所值既
張貼
