炭火地雞 (已搬遷) 新店位置

想食串燒真係要揀呢間生啤🍻仲有買一送一只係$48好鬼抵🤭串燒款式仲要有好多驚唔飽仲有飯或湯麵🍜🔸親子丼 $58親子丼份量適中，面層嘅蛋煎到好creamy，食落好濃蛋香味。雞肉亦都煮得好嫩滑，配埋滑蛋一齊食勁夾🔸燒鳥串燒呢間餐廳嘅主打就係雞類串燒，食落果然好出色🤣某幾款雞串燒仲做緊$58蚊兩串，真係好抵。今次就試咗雞軟骨、雞柳、雞翼、雞皮、免治雞肉棒同埋熟成雞腿肉串燒，全部都燒得好香脆，特別係雞翼就最為出色，外皮香脆之餘咬落去仲食到肉汁，熱辣辣食勁正。熟成雞腿肉都好特別，肉質好嫩滑🤤🔸海老燒串燒 $48海老燒得好靚，睇到都流哂口水。食落蝦肉好實正，爽水彈牙，亦都好香蝦味，相當之高質👍 🔸牛舌串燒 $58牛舌燒得好有焦香味，同時食落都食到牛味好濃。牛舌燒完之後口感幾爽口，唔會好韌，非常之juicy🤩燒豚🔸豚五花腩鵪鶉蛋 $38🔸豚五花腩牛油果 $38燒五花腩好有驚喜🤣五花腩油脂爆開，吱上檸檬🍋汁唔會太油膩，叫左一款係配鵪鶉蛋，另一款配牛油果。兩者比較，配鵪鶉蛋會較香濃，蛋味更出。配牛油果會有creamy口感，係兩種唔同嘅口感😆🔸田樂燒茄子 $32茄子🍆加埋香粉及醬油去烤，香甜無比。🔸菠蘿冰