國穗軒

營業中

休息中

位於沙田帝都嘅國穗軒響上個月新開業，已經吸引唔少食客，好彩有預先book位，我哋6:00到，坐低冇幾耐已經客滿。今日嚟到，點咗個優惠sets：龍蝦烏冬拼脆皮吊燒雞。龍蝦用嘅係西澳龍蝦，好新鮮彈牙，啖啖龍蝦肉，食落去好有口感；再加埋稻庭烏冬，吸晒龍蝦汁嘅精華，每一啖都超級滿意；脆皮吊燒雞啱啱炸起，外皮咬落去卜卜聲，肉質嫩滑，口感一流。南乳齋煲同樣出色，材料配搭多樣，味道豐富。整體來講，國穗軒嘅食物質素唔錯，服務都好好，值得一試。