樂天皇朝 (雅蘭中心)

營業中

休息中

樂天皇朝雅蘭店，裝修典雅大方，門口有一個大廚窗可以睇到廚房既情況，室內環境舒適闊落。就咁望過去都好多枱有點八包小籠包，而我哋今天就比佢花素蒸餃吸引住，好食到連嗌兩籠。65蚊一籠有六隻，新鮮出爐熱氣騰騰，餃子皮煙韌柔軟，入面有白菜絲紅蘿蔔絲粉絲香菇，口感很好！京醬肉絲配薄餅 京醬同肉絲好夾，肉絲份量滿足，做法類似片皮鴨，用配著的餅片將肉絲包起食用，好味！擔擔麵，可以安排要少辣。麵條夠彈牙，份量都幾多，湯底微辣帶花生醬香，好味滿足。