影片
更多
2021-10-10
46 瀏覽
嚟到灣仔新開嘅韓式扒房，裝修都幾高級，一入門口見到個熟成櫃，店員有提及呢度提供25-45日嘅熟成牛肉，店員會自行調整及跟進熟成程序，每嚿肉嘅味道都係獨一無二!! 另外見到有機械人幫手送餐，採用高科技亦覺得幾得意!! 見有set @$380 each，唔想諗就揀咗呢個set最緊要有燒牛肉食就得🤤🔘韓式前菜/生菜包韓式前菜有五款咁多，可以叫店員refill，我哋refill左芽菜同泡菜，因為好適合同個生菜包一齊包住牛肉食，非常之正!!🔘韓式蒸蛋蒸蛋上面有蟹柳同蟹子增加口感，蒸蛋好軟綿綿有蛋香!! 🔘自選朝鮮小品一款喺佢個Appetizers Menu度揀一款，我哋揀咗和牛他他，生雞蛋同生牛肉撈勻再配搭蔥、辣椒、蒜頭等放在紫菜上食，口感一流!! 🔘Steak Omakase可以叫店員幫手燒肉，店員會細心問你想要幾成熟，自己最鍾意兩款熟成牛肉—熟成醬油牛肋骨同埋25日熟成牛肉，牛味濃郁肉質軟淋，而和牛羽下肉嘅油脂分布好靚好均勻，五花肉係肥瘦相間，但始終都係牛肉比較出色!! 🔘雪濃湯三揀一嘅主食，食完重口味嘅牛肉，飲返碗由牛骨熬製嘅雪濃湯就啱啱好，湯呈奶白色有淡淡牛肉香味而裏面都仲有兩件牛肋骨!
嚟到灣仔新開嘅韓式扒房，裝修都幾高級，一入門口見到個熟成櫃，店員有提及呢度提供25-45日嘅熟成牛肉，店員會自行調整及跟進熟成程序，每嚿肉嘅味道都係獨一無二!!
另外見到有機械人幫手送餐，採用高科技亦覺得幾得意!!
見有set @$380 each，唔想諗就揀咗呢個set最緊要有燒牛肉食就得🤤
🔘韓式前菜/生菜包
韓式前菜有五款咁多，可以叫店員refill，我哋refill左芽菜同泡菜，因為好適合同個生菜包一齊包住牛肉食，非常之正!!
🔘韓式蒸蛋
蒸蛋上面有蟹柳同蟹子增加口感，蒸蛋好軟綿綿有蛋香!!
🔘自選朝鮮小品一款
喺佢個Appetizers Menu度揀一款，我哋揀咗和牛他他，生雞蛋同生牛肉撈勻再配搭蔥、辣椒、蒜頭等放在紫菜上食，口感一流!!
🔘Steak Omakase
可以叫店員幫手燒肉，店員會細心問你想要幾成熟，自己最鍾意兩款熟成牛肉—熟成醬油牛肋骨同埋25日熟成牛肉，牛味濃郁肉質軟淋，而和牛羽下肉嘅油脂分布好靚好均勻，五花肉係肥瘦相間，但始終都係牛肉比較出色!!
🔘雪濃湯
三揀一嘅主食，食完重口味嘅牛肉，飲返碗由牛骨熬製嘅雪濃湯就啱啱好，湯呈奶白色有淡淡牛肉香味而裏面都仲有兩件牛肋骨!!
🔘Dessert
最後甜品係雲呢拿味軟雪糕配蜜糖
🔘和牛三角
另外order左店員推介嘅和牛三角，總共有四件但我影唔切相😆，係今日最有牛脂嘅肉，適合包生菜食，店員提議要燒得熟少少，未到入口即溶但都係好容易咬開嘅肉!!
整體牛肉幾出色，特別推介熟成牛肉!!
張貼
